Дастовардҳо ва инфрасохтори сайёҳии шаҳри Душанбе мунтазам дар шабакаҳои иҷтимоӣ таблиғ карда мешаванд

Июль 31, 2024 09:21

ДУШАНБЕ, 31.07.2024. /АМИТ «Ховар»/. Бо мақсади муаррифии зебоиҳои шаҳри Душанбе, ки симои сайёҳии мамлакат маҳсуб шуда, дар он имконияти мусоид баҳри таъмини фароғату саёҳати сокинону меҳмонон фароҳам оварда шудааст, саҳифаҳои шуъбаи рушди сайёҳии Мақомоти иҷроияи ҳокимияти давлатии шаҳри Душанбе дар шабакаҳои иҷтимоӣ фаъол мебошанд. Дар ин хусус ба АМИТ «Ховар» дар шуъбаи рушди сайёҳии Мақомоти иҷроияи ҳокимияти давлатии шаҳри Душанбе хабар доданд.

Тавре сардори шуъбаи рушди сайёҳии Мақомоти иҷроияи ҳокимияти давлатии шаҳри Душанбе Дилшоди Ҷамшед иброз дошт, сайёҳӣ яке аз соҳаҳои муҳими муаррифи давлату миллат, таъриху фарҳанг, табиат ва анъанаҳои мардумӣ ба шумор рафта, рушди он ба инкишофи ҳамаҷонибаи соҳаҳои иқтисодӣ, аз ҷумла хизматрасониву маишӣ ва истеҳсолӣ мусоидат менамояд.

«Дар робита ба ин, дар саҳифаҳои шуъба дар шабакаҳои иҷтимоии фейсбук (dushanbe-travel), инстаграм (dushanbe.travel) ва Телеграмм (dushanbe.travel) бо мақсади муаррифии зебоиҳои пойтахт, тарғиби дастовардҳо ва инфрасохтори сайёҳии шаҳри Душанбе, маконҳои таърихиву фарҳангии он мунтазам аксҳои зебою назаррабои гӯшаҳои гуногун ва рилсу роликҳои тарғиботӣ оид ба иқтидори сайёҳии пойтахт инъикос карда мешаванд. Барои ворид шудан ба ин саҳифаҳо рамзи ягона (QR code) низ таҳия шудааст», — илова намуд ҳамсуҳбати мо.

Гуфта шуд, ки меҳмонону сайёҳон метавонанд дар саҳифаҳои шуъбаи рушди сайёҳии Мақомоти иҷроияи ҳокимияти давлатии шаҳри Душанбе дар шабакаҳои иҷтимоӣ доир ба дастоварду навгонӣ  ва имконияту зарфияти сайёҳии пойтахти Ҷумҳурии Тоҷикистон – шаҳри Душанбе маълумоти ҷолиб пайдо намоянд.

АКС аз бойгонӣ

Июль 31, 2024 09:21

Хабарҳои дигари ин бахш

Дар Душанбе даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» доир карда мешавад
Раиси шаҳри Душанбе Рустами Эмомалӣ бо Ҳокими шаҳри Остона Женис Касимбек мулоқот намуданд
Дар Душанбе шумораи умумии воситаҳои нақлиёти мусофирбар 20 фоиз зиёд карда мешавад
Рустами Эмомалӣ: «80 фоизи таълимгирандагони таълимоти ғайриқонунии диниро ҷавонони то 30-сола ташкил медиҳанд»
Рустами Эмомалӣ: «Корҳо дар самти пешгирӣ ва коҳиш додани сатҳи амалҳои коррупсионӣ бояд тақвият дода шаванд»
Имрӯз таҳти роҳбарии Раиси шаҳри Душанбе Рустами Эмомалӣ ҷаласаи назоратӣ бо кормандони мақомоти ҳифзи ҳуқуқи пойтахт баргузор гардид
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
Ғолибони даври шаҳрии озмунҳои «Беҳтарин ҳамсар» ва «Фарзанд – боғи падару модар» ба даври ҷумҳуриявӣ роҳ ёфтанд
Мақомоти шаҳри Душанбе шартномаи хариди 30 электробусро ба имзо расонид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид
Ҳамкории Душанбе бо Фландрияи Шоҳигарии Белгия тақвияти бештар меёбад
Дар шаҳраку маҳаллаҳои ноҳияҳои Душанбе озмунҳои «Беҳтарин ҳамсар» ва «Фарзанд – боғи падару модар» гузаронида шуданд