Хадамоти алоқа: «Дар Тоҷикистон ҷиҳати таъмин намудани алоқаи мобилии насли 4 G 157 истгоҳи базавӣ насб гардид»
ДУШАНБЕ, 24.07.2024. /АМИТ «Ховар»/. Дар шаш моҳи соли равон дар Тоҷикистон ҷиҳати таъмин намудани алоқаи мобилии насли 4 G 157 адад истгоҳи базавӣ насб гардид. Дар назар аст, ки дар мамлакат баҳри пурра таъмин намудани алоқаи мобилии насли 4 G то 8 ҳазор истгоҳи базавӣ насб карда шавад. Дар ин хусус имрӯз зимни нишасти матбуотӣ муовини сардори Хадамоти алоқаи назди Ҳукумати Ҷумҳурии Тоҷикистон Аҳлиддин Муртазозода иттилоъ дод.
Дар нишасти матбуотӣ таъкид шуд, ки ҷиҳати баланд бардоштани сатҳу сифати хизматрасонии алоқаи мобилӣ, интернети баландсуръат ва дар амал татбиқ намудани Фармони Президенти Ҷумҳурии Тоҷикистон «Дар бораи вусъат додани ҳисоббаробаркунии ғайринақдӣ» дар нимсолаи аввали соли равон аз ҷониби Хадамоти алоқа тадбирҳои зиёд андешида шуда, дар ин раванд сатҳу сифати фаъолияти ширкатҳои мобилӣ вобаста ба ҳисоббаробаркунии ғайринақдӣ беҳтар шуд. Солҳои охир дар мамлакат мағозаҳои интернетӣ, марказҳои хизматрасонӣ зиёд шудааст, ки аксари онҳо фаъолияти худро тариқи ҳисоббаробаркунии ғайринақдӣ ба роҳ мондаанд.
Таъкид гардид, ки дар Тоҷикистон шумораи умумии муштариёни пайваст ба шабакаҳои алоқаи барқӣ баъди дар амал татбиқ намудани Қарори Ҳукумати Ҷумҳурии Тоҷикистон «Дар бораи Тартиб ва талаботи пайвастшавӣ ба шабакаи алоқаи барқӣ ва хизматрасониҳои вобаста ба он» 7,8 миллион нафарро ташкил медиҳад, ки 4,8 миллион нафари он муштариёни фаъол мебошанд.
Иттилоъ дода шуд, ки шумораи истифодабарандагони интернет дар якҷоягӣ бо истифодабарандагони интернети мобилӣ ва собит 4,18 миллион нафарро дар бар мегирад.
Моҳинави НАВРӮЗ,
АМИТ «Ховар»
АКС: АМИТ «Ховар»
Хуршед Мирзо дар Форуми дуюми Тян-Шон оид ба дастовард ва иқтидори инноватсионии Тоҷикистон маълумот пешниҳод намуд
Дар шаҳри Бӯстон хати нави истеҳсолӣ ва зеристгоҳи барқӣ ифтитоҳ гардид
Ҷаласаи шарҳи маҷмуии лоиҳаҳои сармоягузории давлатии аз ҷониби Бонки Осиёии рушд маблағгузоришаванда доир шуд
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
Сулаймон Зиёзода бо ҷамъоварии ҳосили пахта дар ноҳияи Ҷаббор Расулов шинос шуд
Вазорати нақлиёти Тоҷикистон барои навсозии роҳи «Балҷувон-Сари Хосор» бо ширкати чинӣ қарордод ба имзо расонид
Гардиши савдои хориҷии Тоҷикистон беш аз 35 фоиз афзоиш ёфтааст
Дар Душанбе ҷалби сармояи мустақими Саудӣ ба иқтисодиёти Тоҷикистон баррасӣ гардид
