Имсол истифодаи «Барномаи биллингӣ» дар муассисаҳои таҳсилоти умумии ҷумҳурӣ амалӣ карда мешавад
ДУШАНБЕ, 19.07.2024. /АМИТ «Ховар»/. 18 июл барои мутахассиони Маркази таҳия, нашр ва муомилоти китобҳои дарсӣ, илмию методӣ, мушовирони бахши китобдории шуъбаҳои маорифи ноҳияҳои шаҳри Душанбе, шаҳри Ҳисор, ноҳияи Шаҳринав машварати омӯзишӣ баргузор гардид. Дар ин хусус ба АМИТ «Ховар» дар Вазорати маориф ва илм хабар доданд.
Мақсади омӯзиш кор бо «Барномаи биллинги»-и Вазорати маориф ва илми Ҷумҳурии Тоҷикистон дар самти пардохти маблағи иҷораи китобҳои дарсӣ мебошад.
Бояд гуфт, ки шуруъ аз соли равон истифодаи барномаи мазкур дар муассисаҳои таҳсилоти умумии ҷумҳурӣ амалӣ карда мешавад.
Дар машварат қадамҳои аввали кор бо барномаи биллингӣ, аз қабили ворид намудани маълумот оид ба номгӯй ва шумораи китобҳои дарсӣ, рӯйхати хонандагони муассисаҳои таҳсилоти умумӣ омӯзонида шуд.
Ҳисоббаробаркуниҳои ғайринақдӣ пардохтҳое мебошанд, ки бе истифодаи пули нақд бо роҳи истифодаи чек, кортҳои пардохтии бонкӣ ва дигар воситаҳои электронии пардохтӣ, супоришномаҳои пардохтӣ ва ҳоло тавассути пулҳои электронӣ ва ҳамёнҳои электронӣ анҷом дода мешаванд.
Яке аз афзалияти пардохти ғайринақдӣ, хоҳ кортҳои пардохтии бонкӣ ё дигар усулҳои ҳисоббаробаркунӣ тариқи воситаҳои электронии пардохт- ин осон будани истифодаи онҳо аст. Воситаҳои ҳисоббаробаркунии ғайринақдӣ ҳангоми дуруст истифода шудан тарзи нисбатан бехатари пардохти мол ё хизматрасонӣ мебошанд.
Ёдовар мешавем, ки ҷиҳати иҷрои Фармони Президенти Ҷумҳурии Тоҷикистон аз 22 июни соли 2023 «Дар бораи тадбирҳои вусъат додани ҳисоббаробаркунии ғайринақдӣ» бо мақсади ба низом даровардани пардохти маблағҳои иҷораи китобҳои дарсӣ дар муассисаҳои таҳсилоти умумӣ аз ҷониби Вазорати маориф ва илм барномаи махсуси биллингӣ таҳия карда шуд.
АКС: Вазорати маориф ва илми Ҷумҳурии Тоҷикистон
Дар Донишгоҳи давлатии Кӯлоб барои донишҷӯёни варзишгар шароити мусоид фароҳам оварда шудааст
Даври ниҳоии Озмуни ҷумҳуриявии «Илм-фурӯғи маърифат» оғоз шуд
Дар Донишгоҳи давлатии Хоруғ Маркази таълимии «Иқтисоди сабз» таъсис дода шуд
«ФУРӮҒИ СУБҲИ ДОНОӢ КИТОБ АСТ». Нимаи дуюми моҳи ноябр даври ниҳоии озмуни ҷумҳуриявӣ доир мегардад
1 ноябр хонандагони муассисаҳои таҳсилоти миёнаи умумии Тоҷикистон ба таътили тирамоҳӣ мебароянд
Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Донишгоҳи технологии Тоҷикистон раванди озмоишии модулҳои таълимии лоиҳаи Донишгоҳи кушодаи инноватсияҳо дар озуқаворӣ гузаронида шуд
Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
Дар Академияи идоракунии давлатӣ барномаҳои стипендиявии Лаҳистон муаррифӣ гардиданд
Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Байни Донишгоҳи давлатии омӯзгории Тоҷикистон ва Донишгоҳи миллии илмҳои компютерӣ ва рушдёбандаи Покистон созишномаи ҳамкорӣ ба имзо расид
