НИШАСТИ МАТБУОТӢ. Маркази тадқиқоти стратегӣ беш аз ҳама ба коршиносони забондон эҳтиёҷ дорад
ДУШАНБЕ, 31.07.2024 /АМИТ «Ховар»/. Маркази тадқиқоти стратегии назди Президенти Ҷумҳурии Тоҷикистон аз ҳама бештар ба мутахассисон ё коршиносоне ниёз дорад, ки онҳо забонҳои хориҷиро медонанд. Донистани забони гуфторӣ ва ҳамзамон навиштории забонҳои хориҷӣ яке аз талаботи асосии ба кор ҷалб намудани кормандон дар ин марказ ба шумор меравад. Дар ин хусус имрӯз Директори Маркази тадқиқоти стратегӣ Хайриддин Усмонзода зимни нишасти матбуотӣ дар посух ба суоли хабарнигори АМИТ «Ховар» иттилоъ дод.
Хайриддин Усмонзода баён дошт, ки донистани забонҳои хориҷӣ яке аз талаботи асосии озмуни ба кор ҷалбкунӣ дар ин марказ ба шумор меравад. «Мутаассифона, баъзе нафароне, ки ҳуҷҷат месупоранд, аз ҷиҳати донистани забони хориҷӣ, гуфтор ва навишт камбудиҳо доранд. Баҳри бартараф намудани ин камбудӣ мо бо Донишгоҳи байналмилалии забонҳои хориҷии Тоҷикистон ба номи Сотим Улуғзода ҳамкорӣ дорем ва итминон дорам, ки мо аз ин донишгоҳ мутахассисони забондонро ба кор ҷалб менамоем»,-изҳор намуд Хайриддин Усмонзода.
Иброз гардид, ки яке аз иқдоме, ки Маркази тадқиқоти стратегӣ дар солҳои охир меандешад, ин ҷалб кардани мутахассисони варзидаи дорои унвонҳои илмӣ, яъне собиқаи коршиносӣ аст. Ба иттилои директори марказ, агар соли 2022 онҳо ҳамагӣ 11 коршиноси соҳибунвон доштанд, имрӯз аллакай ин шумора ба беш аз 20 нафар расидааст.
Гуфта шуд, ки баъзе кормандони Маркази тадқиқоти стратегӣ барои тақвияти маҳорати таҳлилиашон дар марказҳои зеҳнӣ-таҳлии кишварҳои дигар низ таҷрибаомӯзӣ намуда, дониш меандӯзанд.
Иттилоъ дода шуд, ки пешбурди робитаҳои илмию таҳқиқотӣ бо марказҳои зеҳнии дигар давлатҳо аз авлавияти асосӣ дар фаъолияти ин ниҳоди муҳими давлатӣ ба ҳисоб рафта, дар айни замон муассиса бо 26 маркази тадқиқотӣ созишнома ба имзо расонидааст.
Марказ бо якчанд муассисаи таҳлилӣ ва пажуҳишии дигар давлатҳо, аз ҷумла бо марказҳои таҳқиқотии Русия, Қазоқистон, Чин, Ҳиндустон, Арабистони Саудӣ, Туркия, Эрон, Узбекистон, Озарбойҷон, Туркманистон ва Кореяи Ҷанубӣ ҳамкории самарабахш дорад.
Шаҳлои САДРИДДИН,
АМИТ «Ховар»
АКС: АМИТ «Ховар»
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
Муассисаҳои таҳсилоти ибтидоӣ ва миёнаи касбӣ ба соли нави таҳсил омода мебошанд
ОГОҲӢ! Аз 29 то 31 август дар баъзе минтақаҳои Тоҷикистон омадани селҳои маҳаллӣ пешгӯӣ мешавад
Самаранокии идоракунии молиявӣ бо намояндагони лоиҳаи Иттиҳоди Аврупо дар Тоҷикистон баррасӣ шуд
ИСТИҚЛОЛИЯТ, ҶАВОНӢ ВА СОЗАНДАГӢ. Дар Душанбе Форуми ҷумҳуриявии ҷавонон баргузор гардид
Байни муассисаҳои соҳаи тандурустии Тоҷикистону Қазоқистон се Ёддошти тафоҳум ба имзо расид
Дар шаҳри Левакант муассисаи давлатии таҳсилоти томактабӣ ба истифода дода шуд
ДАР ПАЙРАВӢ БА ИҚДОМИ ПЕШВОИ МИЛЛАТ. Ба 40 нафар ятими кулли шаҳри Ҳисор либоси мактабӣ тақдим гардид
Дар доираи сафари кории Президенти Тоҷикистон дар ноҳияи Хуросон иншооти гуногун ба истифода дода шуданд
Ҳамкории муассисаҳои илмӣ-таҳқиқотии Тоҷикистон ва Туркманистон густариш меёбад
Дар ноҳияи Ёвон иншооти таъйиноти гуногун ба истифода дода шуданд
Дар Душанбе Маркази машваратӣ ва омодагии пеш аз сафари муҳоҷирони меҳнатӣ ба истифода дода шуд
