ҶОМИ «INNOPROM — 2024». Дастаи футболи «Равшан»-и шаҳри Кӯлоб дар ин мусобиқот иштирок менамояд
ДУШАНБЕ, 05.07.2024 /АМИТ «Ховар»/. Аз 7 то 11 июли соли равоннахустин маротиба дар таърихи вилояти Свердловски Федератсияи Русия Мусобиқоти «Ҷоми ИННОПРОМ-2024» байни дастаҳои футболи касбии давлатҳои иштирокчии «Намоишгоҳи саноатии байналмилалӣ «ИНОПРОМ–2024»» баргузор мешавад. Дар ин хусус шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон хабар медиҳад.
Қобили тазаккур аст, ки бо дастгирии Федератсияи футболи Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон дастаи футболи «Равшан»-и шаҳри Кӯлоб дар ин мусобиқа иштирок менамояд.
Дар маҷмуъ ин мусобиқа нахустин маротиба бо иштироки 4 даста баргузор шуда, имконияти хуби санҷиши даста пеш аз мусобиқоти Лигаи қаҳрамонҳои-2 Осиё мебошад.
Дастаҳои иштирокчӣ:
«Урал» (Русия)
«Қизилқум» (Узбекистон)
«Равшан» (Тоҷикистон)
«ИМТ-Белград» (Сербистон)
Бозиҳо дар Варзишгоҳ ва Академияи КФ «Урал» баргузор мешавад.
Бозиҳои ниманиҳоӣ 7-июл:
«Урал» (Русия) – «Равшан» (Тоҷикистон)
«Қизилқум» (Узбекистон) — «ИМТ-Белград» (Сербистон)
Бозӣ барои ҷои сеюм 10 июл.
Бозӣ барои ҷои чорум 11 июл.
Бояд гуфт, ки баъди бозгашт аз мусобиқа дастаи футболи «Равшан»-и шаҳри Кӯлоб машқу тамрини дастаҷамъонаи худро барои идомаи Чемпионати Тоҷикистон ва Лигаи қаҳрамонҳои-2 Осиё дар шаҳри Гулистони вилояти Суғд идома медиҳад.
АКС: Федератсияи футболи Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
