ҶОМИ «INNOPROM — 2024». Дастаи «Равшан»-и Кӯлоб аз ин мусобиқот бо медали биринҷӣ ба Ватан баргашт
ДУШАНБЕ,16.07.2024 /АМИТ «Ховар»/. Дастаи футболи «Равшан»-и шаҳри Кӯлоб дар аввалин мусобиқаи байналмилалии «Инопром-2024» соҳиби медали биринҷӣ гардид, ки қадршиносии футболбозон баъди бозии ниҳоӣ бо дастаи «Урал»-и Русия ва «Қизилқум»-и Узбекистон доир гардид. Дар ин хусус шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон хабар медиҳад.
Ёдрас мешавем, ки дастаи футболи «Равшан»-и шаҳри Кӯлоб аввалин маротиба дар таърихи фаъолияти худ бо дастгирии роҳбарияти Федератсияи футболи Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба мусобиқоти аврупоӣ роҳ ёфта, бо дарёфти мақоми ифтихорӣ ва ҷоизаи пулӣ ба Ватан баргашт.
Имконияти мазкур аз ҷониби роҳбарияти Федератсияи футболи Тоҷикистон ба дастаи футболи «Равшан»-и шаҳри Кӯлоб фароҳам оварда шуд, то даста пеш аз бозиҳои Лигаи қаҳрамонҳои Осиё бозиҳои санҷишӣ баргузор намуда, ба ин мусобиқа омода гардад.
Тавре иттилоъ додем, қуръакашии мусобиқаи мазкур тариқи онлайнӣ баргузор шуда, дар бозии аввали ниманиҳоӣ дастаи футболи «Равшан»-и шаҳри Кӯлоб бо ҳайати асосии дастаи «Урал»-и Русия аз вилояти Сверловск, ки соли гузашта дар Пример-Лигаи Русия бозӣ мекард, рақобат намуда, бо ҳисоби калонӣ 5-0 шикаст хӯрд.
Дар бозӣ барои ҷои сеюм дастаи футболи «Равшан»-и шаҳри Кӯлоб бо намояндаи Суперлигаи Сербистон, дастаи ИМТ-Белград ҳунарнамоӣ намуд, ки дар ин бозӣ дастаи мо бо ҳисоби бузурги 4 бар 0 ғолиб омада, дар аввалин мусобиқаи байналмилалии аврупоӣ соҳиби нишони биринҷӣ гардид.
Бояд гуфт, ки иштирок дар ин мусобиқа барои дастаи футболи «Равшан»-и шаҳри Кӯлоб таъсирбахш буда, дар оянда роҳбарияти даста якҷо бо ситоди мураббиён ва футболбозон барои ба даст овардани зинаҳои аз ин ҳам баланд талош хоҳад варзид.
АКС: Федератсияи футболи Тоҷикистон
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
