ҶОМИ ОСИЁ-2025. Дастаи мунтахаби наврасони Тоҷикистон (U-17) тамринҳои худро барои иштирок дар марҳилаи интихобии оғоз намуданд

ДУШАНБЕ, 21.07.2024 /АМИТ «Ховар»/. Аз 23 то 27 октябр дар Сингапур марҳилаи интихобии Ҷоми Осиё-2025 баргузор мегардад ва дар он дастаи мунтахаби наврасони Тоҷикистон (U-17) иштирок мекунанд. Дар ин хусус АМИТ «Ховар» бо истинод ба Федератсияи футболи Тоҷикистон иттилоъ медиҳад.

17 июл мунтахаби наврасони Тоҷикистон дар қароргоҳи бошгоҳи футболи «Истиқлол»,  воқеъ дар деҳаи Алмосии Ҳисор машқҳои таълимиву тамриниро таҳти роҳбарии Марко Раҷини шуруъ намуданд.

Бояд гуфт, ки дар марҳилаи интихобии Ҷоми Осиё-2025 мунтахаби наврасони Тоҷикистон дар гурӯҳи «J» бо дастаҳои Гуам (23 октябр), Сингапур (25 октябр) ва Уммон (27 октябр) рақобат мекунад.

АКС: Федератсияи футболи Тоҷикистон