Сомон Маҳмадбеков: «Медаламро ба Пешвои миллат ва тамоми мардуми тоҷик мебахшам»
ДУШАНБЕ, 31.07.2024 /АМИТ «Ховар»/. Тавре қаблан иттилоъ додем, дар рӯзи чоруми Бозиҳои тобистонаи олимпии Париж-2024 ҷудочии Тоҷикистон Сомон Маҳмадбеков дар вазни – 81 кг соҳиби медали биринҷӣ гардид.
Баъди ба даст овардани медал дар мусоҳиба бо шабакаи телевизионии «Варзиш» Сомон Маҳмадбеков иброз дошт, ки медали биринҷии Бозиҳои тобистонаи олимпии Париж-2024-ро ба Пешвои миллат ва тамоми мардуми тоҷик мебахшад.
«Ба Пешвои миллат муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ барои дастгирии мо, ҷавонон изҳори минатдорӣ менамоям, — иброз намуд ҷудочӣ. — Маҳз ин дастгириҳо буд, ки ман тавонистам дар олимпиада соҳиби медал гардам».
Сомон гуфт, ки ин орзуи кӯдакияш буд ва ниҳоят ба он расид.
Ёдовар мешавем, ки Сомон Маҳмадбеков дар даври аввал озод буда, дар марҳилаи дуюм бар Фарес Бадавии фаластинӣ ва дар рақобати баъдӣ бар Франк Де Вит аз Нидерланд пирӯз шуд.
Дар даври ¼-ниҳоӣ варзишгари тоҷик бо Тато Григалашвили аз Гурҷистон гӯштин гирифта, аз ӯ шикаст хӯрд ва ба марҳилаи тасаллобахш рафт.
Дар марҳилаи тасаллобахш Сомон бар варзишгари Узбекистон Шарофиддин Болтабоев ғолиб омад.
Варзишгари тоҷик дар рақобат барои медали биринҷӣ бар ҷудочӣ аз Италия Антонио Эспозито ғолиб омада, сазовори ҷойи сеюм ва медали биринҷӣ гардид.
Ин нахустин медали дастаи олимпии Тоҷикистон дар Бозиҳои тобистонаи олимпии Париж-2024 аст. Бо ба даст овардани медали биринҷӣ Сомон Маҳмадбеков тавонист баъд аз 16 сол аз риштаи ҷудо барои Тоҷикистон медали олимпиадаро соҳиб шавад. Қаблан, соли 2008 дар Бозиҳои олимпии Пекин-2008 паҳлавони дигари тоҷик Расул Боқиев ба гирифтани медали биринҷӣ мушарраф гардида буд.
Ғолибони вазни -81 кг:
1. Таканори Нагасе (Ҷопон)
2.Тато Григалашвили (Гурҷистон)
3. Ли Ҷунҳван (Кореяи Ҷанубӣ)
3. Сомон Маҳмадбеков (Тоҷикистон)
АКС аз манбаъҳои боз
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
