«Тоҷикаэронавигатсия»: «Дар шаш моҳи соли равон шумораи парвозҳои транзитӣ афзуда, дар муқоиса ба ҳамин давраи соли гузашта 70,5 фоиз зиёд гардидааст»
ДУШАНБЕ, 24.07.2024 /АМИТ «Ховар»/. Корхонаи воҳиди давлатии «Тоҷикаэронавигатсия» ва филиалҳои он дар шаҳрҳои Хуҷанд, Бохтар ва Кӯлоб дар соли равон ба 33 ҳазору 379 ҳавопаймо хизмат расонидааст, ки ин нишондиҳанда нисбат ба ҳамин давраи соли сипаришуда 8 ҳазору 133 адад ё ин ки 32 фоиз зиёд мебошад. Дар ин хусус директори Агентии авиатсияи граждании назди Ҳукумати Ҷумҳурии Тоҷикистон Ҳабибулло Назарзода 24 июл дар Душанбе зимни нишасти матбуотӣ ба намояндагони расонаҳои хабарӣ иттилоъ дод.
Директори Агентии авиатсияи гражданӣ иброз намуд, ки дар ин давра шумораи парвозҳои транзитӣ ба 22 ҳазору 38 адад расид, ки дар муқоиса ба нимсолаи якуми соли гузашта ба миқдори 9 ҳазору 119 парвоз ё 70,5 фоиз зиёд мебошад.
Ҳамчунин дар нимсолаи якуми соли равон Корхонаи воҳиди давлатии «Тоҷикаэронавигатсия» узви Ташкилоти хизматрасониҳои аэронавигатсионии гражданӣ (CANSO) гардид, ки ин дастовард дар баланд бардоштани сатҳи хизматрасонии аэронавигатсионӣ, малака ва таҷриба бо корхонаҳои таъминкунандаи хизматрасонии аэронавигатсионии пешрафтаи ҷаҳон, васеъ намудани ҷуғрофияи парвозҳо, ифтитоҳи долонҳои нав, таҷдиди низом ва технологияҳои аэронавигатсионӣ нақши муҳим мебозад.
Ҳамзамон муовинии якуми директори Корхонаи воҳиди давлатии «Тоҷикаэронавигатсия» Даврон Шодмонбекзода дар посух ба саволи хабарнигорон гуфт, ки дар низоми Авиатсияи граждании Тоҷикистон Корхонаи воҳиди давлатии «Тоҷикаэронавигатсия» нақши муҳим дошта, роҳбарият ва аҳли кормандони он ҷиҳати беҳтар намудани сатҳу сифати хизматрасонӣ, таъмин намудани низом ва таҷҳизоти муосири хизматрасонии аэронавигатсионӣ, бехатарӣ ва васеъ намудани ҷуғрофияи парвозҳо, ифтитоҳи хатсайрҳои нав ва ба ин васила рушди соҳаи сайёҳӣ дар мамлакат пайваста тадбирҳои зарурӣ меандешад.
Марзия САИДЗОДА,
АМИТ «Ховар»
АКС:АМИТ «Ховар»
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
