Тоҷикистон ва Чин дар соҳаи заминшиносӣ Ёддошти тафоҳум ба имзо расониданд
ДУШАНБЕ, 08.07.2024 /АМИТ «Ховар»/. Бахшида ба 10-солагии таъсиси Маркази илмӣ-тадқиқотии ҳамкории Созмони ҳамкории Шанхай дар соҳаи илми заминшиносӣ, байни Саридораи геологияи назди Ҳукумати Ҷумҳурии Тоҷикистон ва Хадамоти геологияи назди Вазорати захираҳои табиии Ҷумҳурии Мардумии Чин Ёддошти тафоҳум ба имзо расид, хабар доданд ба АМИТ «Ховар» дар маркази матбуоти Саридораи геология.
Ёддошти тафоҳум бо мақсади тавсеа ва густариши ҳамкории мутақобилан судманди илмию техникӣ дар соҳаи заминшиносии ҳарду ҷумҳурӣ ба имзо расида, дар асоси ин ҳуҷҷати муҳим татбиқи муштараки лоиҳаҳо дар самти тадқиқоти бунёдӣ ва амалӣ, ҷустуҷӯи конҳои нав, коркарди илмӣ-техникӣ, омӯзиши муқоисавии сохтори геологӣ, тартиб додани харитаҳои геологӣ ва муқоисавии тадқиқоти қонуниятҳои металлогении ҷойгиршавии конҳои канданиҳои фоиданок, таҳқиқот ва истифодаи технологияҳо, асбобҳо ва таҷҳизоти нав дар корҳои иктишофи геологӣ, таҳқиқот дар соҳаи гидрогеология ва геологияи муҳандисӣ, геологияи агросаноатӣ ва омӯзиши равандҳои экзогении хатарнок, озмоиш ва таҳлили намунаҳои геологӣ, мубодилаи таҷриба ва ғайраҳо ба нақша гирифта шудаанд.
Сардори Саридораи геология дар ҷаласаҳои пленарӣ ва соҳавӣ дар мавзуи «Стратегияи рушди захираҳои маъданӣ дар Ҷумҳурии Тоҷикистон» маърӯза намуда, иброз дошт, ки ҷиҳати боз ҳам густариш додани ҳамкории Ҷумҳурии Тоҷикистон ва Ҷумҳурии Мардумии Чин дар соҳаи омӯзиши геологии қаъри замин, аз ҷумла дар таҳияи асоснокунии иқтисодӣ-техникӣ оид ба коркарди конҳои канданиҳои фоиданок, ташкил ва гузаронидани корҳои аксбардорию топографӣ барои сохтани харитаҳои геологии насли нав, имконияти омӯзиш ва табодули таҷрибаи кормандон, истифодаи таҷҳизоти геологӣ-геофизикӣ тадбирҳои муассир меандешад.
Ёдовар мешавем, ки Конференсияи байналмилалии ҳамкории кишварҳои аъзои Созмони ҳамкории Шанхай дар соҳаи илми заминшиносӣ ва сармоягузорӣ ба соҳаи истихроҷи маъдан 2 июли соли 2024 дар шаҳри Сиани Ҷумҳурии Мардумии Чин оғоз гардида, то 7 июл идома меёбад.
АКС: Саридораи геологияи назди Ҳукумати Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
