Тоҷикистон ва Фаронса ҳамкориро дар соҳаи варзиш тақвият мебахшанд
ДУШАНБЕ, 27.07.2024. /АМИТ «Ховар»/. 26 июл дар шаҳри Париж дар ҳошияи маросими ифтитоҳи Бозиҳои тобистонаи олимпӣ-2024 Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода бо иҷрокунандаи вазифаи Вазири варзиши Ҷумҳурии Фаронса Амели Удеа — Кастера мулоқот намуд.
Тавре ба АМИТ «Ховар» дар Кумитаи кор бо ҷавонон ва варзиш хабар доданд, дар мулоқот тақвият додани ҳамкории Тоҷикистон ва Фаронса дар самти рушди варзиш баррасӣ гардид.
Ҷонибҳо ҳамчунин доир ба масъалаҳои густариши муносибатҳои дуҷониба дар соҳаи варзиши касбӣ, ба роҳ мондани ҳамкорӣ байни мактабҳои варзишӣ, омӯзиши таҷрибаи варзишгарони олимпии Фаронса дар Тоҷикистон ва иштироки ҳайати олимпии Тоҷикистон дар Бозиҳои тобистонаи олимпии Париж-2024 табодули афкор анҷом доданд.
Зимни мулоқот баргузории чорабиниҳо ва таҳрезиву татбиқи лоиҳаҳои муштарак дар доираи ҳамкорӣ мавриди баррасӣ қарор гирифт.
Барои истиқболи самимӣ ва фароҳам овардани имконоту шароити хуби варзишӣ барои ҳайати олимпии Тоҷикистон ба ҳукумат ва Вазорати варзиши Ҷумҳурии Фаронса изҳори сипос карда шуд.
Дар анҷом ҷонибҳо ба мувофиқа расиданд, ки ҳамкориро тақвият бахшида, барои иштироки фаъоли варзишгарони ҳар ду кишвар дар чорабиниҳои байналмилалие, ки дар қаламрави Тоҷикистон ва Фаронса доир мегарданд, мусоидат намоянд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
