Варзишгарони Вазорати мудофиа соҳиби 38 медали тилло гардиданд
ДУШАНБЕ, 25.07.2024. /АМИТ «Ховар»/. Клуби марказии варзишии артиши Вазорати мудофиа дар шаш моҳи соли 2024 бо иштирок дар мусобиқаҳои ҷумҳуриявӣ ва байналмилалӣ 106 медал ба даст оварданд, ки аз ин 38 медали тилло мебошад. Дар ин хусус ба АМИТ «Ховар» дар Вазорати мудофиаи ҷумҳурӣ хабар доданд.
Варзишгарони клуби варзишӣ дар 8 мусобиқаи шаҳрӣ, 16 мусобиқаи ҷумҳуриявӣ, 1 Ҷоми Осиё ва 2 мусобиқаи байналмилаллӣ иштирок намуда, дар натиҷа сазовори 38 медали тилло, 28 нуқра ва 40 биринҷӣ гардидаанд.
Тавре иттилоъ дода шуд, сарбозони қисми ҳарбӣ аз рӯйи 15 намуди варзиш, ки дар Клуби марказии варзишии артиш амал мекунад ба машқу тамрин ҷалб гардида, бо иштироки фаъолона дар мусобиқаҳои дохилӣ ва берун аз мамлакат дар мусобиқаҳои сатҳи байналмилалӣ давлату мардуми Тоҷикистон ва Артиши миллии моро муаррифӣ менамоянд ва ба шарафи ин ҷавонмардон, варзишгарони низомӣ низ Суруди миллӣ садо додаву Парчами давлатӣ баланд парафшон мегардад.
Тамринҳои пайваста, обутоби бадан, баланд бардоштани маҳорати ҷисмонӣ ва дар маҷмӯъ беҳдошти солимии ҳайати шахсии Артиши миллӣ ин як самти асосии омодагии ҷангӣ ба ҳисоб меравад. Бо ин мақсад, ҳамасола масъулини ин клуб чорабиниҳои мухталиф дар самти тайёрии ҷисмонӣ ва мусобиқаҳои гуногуни варзиширо берун аз ҷумҳурӣ ва дар дохили мамлакат мувофиқи нақша миёни ҳайати шахсии ҷузъу томи Вазорати мудофиа, афсарону сарбозони қисмҳои ҳарбии навъҳои қӯшуни Қувваҳои Мусаллаҳ ва бо ҷалби кормандони дигар сохторҳои қудратӣ доир менамоянд.
АКС: Вазорати мудофиаи Ҷумҳурии Тоҷикистон
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
