Вазири энергетика ва захираҳои об: «Воридоти маҳсулоти нафтӣ ба ҷумҳурӣ дар соли равон афзудааст»
ДУШАНБЕ, 26.07.2024 /АМИТ «Ховар»/. Вазорати энергетика ва захираҳои оби Ҷумҳурии Тоҷикистон аз афзоиши воридоти маҳсулоти нафтӣ ба ҷумҳурӣ дар соли равон иттилоъ медиҳад.
Вазири энергетика ва захираҳои оби Ҷумҳурии Тоҷикистон Далер Ҷумъа 25 июл дар нишасти матбуотӣ ба хабарнигорон гуфт, ки соли равон аз ҷониби соҳибкорон ва ҷамъиятҳои ватанӣ ба мамлакат дар ҳаҷми 783,8 ҳазор тонна маҳсулоти нафтӣ ва гази моеъ ворид гардидааст, ки нисбат ба ҳамин давраи соли гузашта, дар ҳаҷми 73,5 ҳазор тонна ё 10,3 фоиз зиёд мебошад.
Дар соли равон воридоти гази табиӣ аз Узбекистон ба Тоҷикистон 156,5 миллион м3-ро ташкил дод, ки ин нисбат ба ҳамин давраи соли гузашта 57,6 миллион м3 зиёд аст.
Гуфта шуд, ки дар доираи тавозуни индикативӣ воридоти маҳсулоти нафтӣ ва гази моеъ аз Русия ба ҷумҳурӣ 524,2 ҳазор тоннаро ташкил намуд, ки аз он 236,6 ҳазор тонна бензини автомобилӣ, 223,2 ҳазор тонна, сӯзишвории дизелӣ, 22,7 ҳазор тонна сӯзишвории реактивӣ, 62 тонна мазут, 27,9 ҳазор тонна битум, 5,4 ҳазор тонна равғанҳои молиданӣ ва 8,2 тонна гази моеъ мебошад.
Воридоти маҳсулоти нафтӣ нисбат ба ҳамин давраи соли гузашта 65,6 ҳазор тонна ё 14,3 фоиз зиёд буда, 54 фоизи иҷрои нақшаи тавозуни индикативиро ташкил медиҳад.
Марзия САИДЗОДА,
АМИТ «Ховар»
АКС:АМИТ «Ховар»
Намояндагони Тоҷикистон дар Форуми умумиҷаҳонии шаҳрҳо дар Боку иштирок намуданд
Ҳаҷми умумии ҳамлу нақл байни Тоҷикистон ва Қазоқистон 5,8 фоиз афзудааст
ТАВАҶҶУҲ! Интиқоли одии маблағ байни аъзои оила, дӯстон, наздикон ва дигар шаҳрвандон тавассути ҳамёнҳои электронӣ андозбандӣ намегардад!
Дар ҶДММ «Саноати Ашт» хатҳои нави истеҳсолӣ васлу насб гардиданд
СОЛИ БАЙНАЛМИЛАЛИИ ЗАНОНИ ХОҶАГИДОР. Дар Тоҷикистон беш аз 52 ҳазор хоҷагии деҳқониро занон роҳбарӣ менамоянд
Кишоварзони ноҳияи Кӯшониён дар беш аз 10 ҳазор гектар пунбадона кишт намудаанд
Мулоқоти роҳбарони Комиссияи байниҳукуматӣ оид ба ҳамкории иқтисодӣ байни Тоҷикистон ва Русия баргузор шуд
Тоҷикистон ва Миср дар соҳаи авиатсияи гражданӣ Ёддошти тафоҳуми ҳамкорӣ ба имзо расониданд
Иштирокдорони Конфронси Созмони озуқаворӣ ва кишоварзӣ бо низоми кишоварзии нодири дараи Алмосӣ — гӯсфанди зоти ҳисорӣ ва ангури тоифӣ шинос шуданд
Дар Душанбе Намоишгоҳи байналмилалии молҳо ва хизматрасонӣ барои саломатӣ ва зебоӣ доир мешавад
Ҳамкории Тоҷикистон ва Беларус дар самти сохтмон ва меъморӣ густариш меёбад
ИСТИФОДАИ САМАРАНОКИ ЗАМИН. Аъзои хоҷагии деҳқонии «Бобои Ҳақназар» картошкаро ҷамъоварӣ намуда, тарбуз кишт мекунанд
