Вазири молия: «Нишондиҳандаҳои рушди иҷтимоию иқтисодии Тоҷикистон тамоюл ба самти рушди мусбӣ доранд»
ДУШАНБЕ, 03.07.2024 /АМИТ «Ховар»/. «Бо вуҷуди вазъи мураккаби ҷаҳонӣ, дар натиҷаи тадбирҳои муассире, ки аз ҷониби Ҳукумати Ҷумҳурии Тоҷикистон андешида шудааст, нишондиҳандаҳои рушди иҷтимоию иқтисодии Тоҷикистон тамоюл ба самти рушди мусбӣ доранд», — чунин изҳор дошт Вазири молияи Ҷумҳурии Тоҷикистон Файзиддин Қаҳҳорзода дар Ҷаласаи гурӯҳи электорати Хазинаи байналмилалии асъор ва Бонки ҷаҳонӣ, ки 1-3 июл дар Тоҷикистон баргузор гардид.
Дар ҷаласаи мазкур Вазири молия афзуд, ки суръати афзоиши Маҷмуи маҳсулоти дохилӣ /ММД/ дар Тоҷикистон дар моҳҳои январ-майи соли 2024 беш аз 8 фоизро ташкил дод. Ба ин афзоиши истеҳсоли маҳсулоти саноат 10 фоиз, муомилоти моли чакана 14 фоиз, хизматрасонии пулакӣ 17 фоиз, сохтмон 17,2 фоиз мусоидат кард, инчунин дигар соҳаҳо низ тамоюли мусбати афзоиш доштанд.
Файзиддин Қаҳҳорзода таъкид намуд, ки сатҳи таваррум дар моҳҳои январ-майи соли 2024 ҳамагӣ 1,8 фоизро ташкил дод. Яке аз самтҳои афзалиятноки фаъолияти Ҳукумати Ҷумҳурии Тоҷикистон дар солҳои охир ин суръат бахшидан ба саноатикунонии иқтисодиёт ва рақамикунонии равандҳои иҷтимоию иқтисодӣ дар мамлакат мебошад.
«Дар ин масъала Вазорати молияи Ҷумҳурии Тоҷикистон дар ҳамкорӣ бо дигар мақомоти давлатӣ тадбирҳои маҷмӯиро андешидааст, ки онро амалӣ менамояд. Аз ҷумла, тадбирҳо оид ба пардохтҳои ғайринақдӣ, ҷорӣ намудани технологияҳои рақамӣ дар низоми идоракунии молияи давлатӣ, автоматикунонии равандҳои маъмурикунонии андоз, гузариш ба татбиқи стандартҳои байналмилалии ҳисобот ва стандартҳои байналмилалии аудит, инчунин такмили таҷрибаи беҳтарини ҷаҳонӣ дар низоми идоракунии қарзи давлатӣ, аз ҷумлаи онҳо мебошад», — афзуд Файзиддин Қаҳҳорзода.
АКС: АМИТ «Ховар»
Соли 2025 нақшаи андозҳо ва дигар пардохтҳои ҳатмӣ ба андозаи 115,7 фоиз иҷро гардид
То соли 2030 ҳаҷми маҷмӯи маҳсулоти дохилӣ ба 325 миллиард сомонӣ расонида мешавад
ПЕШГИРИИ ОҚИБАТҲОИ ТАҒЙИРЁБИИ ИҚЛИМ. Дар Тоҷикистон майдони дарахтони саксавул ва павловния васеъ мегардад
Дар Тоҷикистон шумораи истифодабарандагони интернет 5,2 миллион нафарро ташкил медиҳад
Байни Тоҷикистон ва Қирғизистон оид ба ҳамкории тиҷоратӣ Ёддошти тафоҳум ба имзо расид
НИШАСТИ МАТБУОТӢ. Соли 2025 ба соҳаҳои иқтисодии Тоҷикистон 57,1 миллиард сомонӣ равона карда шуд
Агентии «Тоҷикстандарт»: «Аз марҳилаи муайяни тамғаи «Нутрилон» ва «Малютка» истифода набаред!»
Тсзоу Ҷиайи: «Бонки Осиёии Сармоягузориҳои Инфрасохторӣ барномаҳои миллӣ ва минтақавии рушди Тоҷикистонро дастгирӣ менамояд»
Дурнамои ҳамкории Тоҷикистон ва Иттиҳоди Аврупо дар соҳаҳои сармоягузорӣ ва иқтисод баррасӣ гардид
Татбиқи лоиҳаи «Азнавпайвастшавӣ ба низоми ягонаи энергетикии Осиёи Марказӣ» баррасӣ гардид
Ҷаласаи якуми Шурои байниҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Дар ҷаласаи Шуро оид ба шарикии давлат ва бахши хусусӣ чор лоиҳаи нав ба маблағи 82,5 миллион сомонӣ баррасӣ шуд
