ОМОДАГӢ БА ЗИМИСТОН. Сохторҳои буҷетии ноҳияи Фархор ба мавсими сармо пурра омода мебошанд
ДУШАНБЕ, 11.11.2025 /АМИТ «Ховар»/. Дар ноҳияи Фархор оид ба иҷрои Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёту иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2025-2026» ситоди ноҳиявӣ таъсис дода шудааст. Дар айни замон нақшаи захираи ангишт ва ҳезум дар сохторҳои буҷетии ноҳия пурра иҷро гардидааст. Дар ин хусус ба хабарнигори минтақавии АМИТ «Ховар» аз Мақомоти иҷроияи ҳокимияти давлатии ноҳияи Фархор иттилоъ доданд.
То имрӯз барои хуб гузаронидани фасли зимистон дар бештари муассисаҳои таълимию томактабии ноҳия ангишт, ҳезум ва сӯзишвории дизелӣ захира карда шудааст. Инчунин дар панҷ муассисаи таълимӣ муҳаррики дизелӣ ва дар се муассисаи дигар панелҳои офтобӣ насб карда шудаанд.
Муассисаҳои тандурустии ноҳия — беморхонаҳои марказӣ ва минтақавӣ, маркази саломатии ноҳиявӣ ва марказҳои саломатии деҳоту бунгоҳҳои тиббӣ низ бо ангишт, ҳезум ва сӯзишвории дизелӣ таъмин гардидаанд. Масъулини муассисаҳои соҳаи тандурустӣ дар анборҳояшон миқдори муайяни орд, равған, биринҷ, шакар ва дигар маҳсулоти хӯроквориро захира намудаанд.
Масъулини соҳа ва кишоварзони ноҳияи Фархор барои захира намудани тухмии ғалладона, картошка ва дигар зироати кишоварзӣ ба хотири сари вақт гузаронидани кишт, инчунин захиранамоии хӯроки чорво тадбирҳои мушаххас меандешанд.
Дар ноҳияи Фархор барои таъмини аҳолӣ бо ангишт нуқтаҳои махсуси фурӯши он ташкил гардидаанд.
АКС: Мақомоти иҷроияи ҳокимияти давлатии ноҳияи Фархор
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
