Дар Суғд вобаста ба таъмини дурнамои зироати кишоварзӣ машварат баргузор шуд
ДУШАНБЕ, 11.11.2025 /АМИТ «Ховар»/. 10 ноябр дар вилояти Суғд оид ба таъмини дурнамои зироати кишоварзӣ дар соли 2026 машварат баргузор гардид. Дар ин хусус ба АМИТ «Ховар» аз Кумитаи давлатии идораи замин ва геодезии Ҷумҳурии Тоҷикистон хабар доданд.
Дар машварат масъалаҳо оид ба истифодаи самараноку оқилонаи замин, махсусан аз ҷониби хоҷагиҳои кишоварзӣ, баланд намудани ҳосилнокии зироат, ба маълумоти оморӣ пурра ворид гардидани ҳаҷми истеҳсоли маҳсулоти кишоварзӣ, омодагӣ ба зимистони солҳои 2025-2026 мавриди баррасӣ қарор гирифтанд.
Инчунин тоза намудани заҳбуру заҳкашҳо, шудгори босифати заминҳо, вусъати кишти такрорӣ, ба гардиши кишоварзӣ ворид намудани заминҳои партову холимонда, азхудкунии заминҳои нав, дар заминҳои корами обӣ тибқи дурнамои кишоварзӣ кишт намудани зироати кишоварзӣ, махсусан картошка ва пахта муҳокима гардид.
Раиси Кумитаи давлатии идораи замин ва геодезӣ Ориф Хоҷазода иброз дошт, ки мо вазифадорем дурнамои кишти зироатро таъмин карда, дар таъмини амнияти озуқаворӣ саҳм гузорем. Президенти Тоҷикистон муҳтарам Эмомалӣ Раҳмон ба истифодаи самараноку оқилонаи замин таваҷҷуҳи махсус дошта, дар ҳар вохӯрию суханрониҳояшон вобаста ба ин масъала масъулинро вазифадор менамоянд.
17 майи соли равон Пешвои миллат зимни суханронӣ дар машварати ҷумҳуриявӣ бо роҳбарони вилоятҳо ва шаҳру ноҳияҳои ҷумҳурӣ дар ноҳияи Данғара таъкид намуданд, ки «мо бояд барои ҳифзи амнияти озуқаворӣ дар мамлакат тамоми тадбирҳои заруриро андешида, барои кам кардани вобастагии бозори истеъмолӣ аз молу маҳсулоти воридотӣ ҳама имконияту захираҳои мавҷударо пурра ва самаранок истифода намоем».
-Дар ин раванд сохтору мақомоти дахлдор, соҳибкорону роҳбарони хоҷагиҳои деҳқонӣ ва шаҳрвандони мамлакат вазифадоранд, ки истифодаи самараноку сарфакоронаи обу замин, хусусан, заминҳои наздиҳавлигӣ ва президентӣ, васеъ ва ҳатман ба роҳ мондани кишти такрориро таъмин намоянд,-таъкид гардид дар машварат.
Дар фарҷом масъулин вазифадор гардиданд, ки камбудиҳои ҷойдоштаро бартараф намуда, ба ҳар деҳқон дурнамои тасдиқшудаи кишти зироати кишоварзӣ ва иҷрои ҳатмии онро расонанд. Ҳамчунин бо истифода аз ҳавои мусоид дар муҳлати кӯтоҳтарин заминҳоро шудгор карда, барои дастрас намудани тухмиҳои босифати картошкаи барвақтӣ ва омода намудани техникаҳои кишоварзӣ аз ҳоло тадбирҳои зарурӣ андешанд.
АКС: Кумитаи давлатии идораи замин ва геодезии Ҷумҳурии Тоҷикистон
Тақвияти робитаҳои тиҷоратию иқтисодии Тоҷикистон ва Эрон баррасӣ шуд
«Захираҳои табиии Тоҷикистон дар соҳаи истихроҷи маъдан барои садсолаҳо кофӣ мебошанд», — бардошт аз форуми байналмилалӣ
РӮЗИ БАЙНАЛМИЛАЛИИ МУБОРИЗА БАР ЗИДДИ КОРРУПСИЯ. Дар Тоҷикистон беш аз 20 санади зиддикоррупсионӣ амал менамояд
Қоҳир Расулзода: «То соли 2030 ҳиссаи соҳаи саноат дар иқтисоди миллии Тоҷикистон то ба 30 фоиз мерасад»
ИМРӮЗ — РӮЗИ ГЕОЛОГҲОИ ТОҶИКИСТОН. Маҳз онҳо ояндаи энергетика, саноат, металлургия, сохтмон, ҳатто амнияти иқтисодиро пешакӣ муайян менамоянд
Ҳайати Тоҷикистон дар Форуми сатҳи баланд оид ба фарогирии ҷаҳонии тандурустӣ дар Токио иштирок намуд
Дар Душанбе Форуми дуюми байналмилалии соҳаи саноати маъданҳои кӯҳӣ-металлургии Тоҷикистон доир мегардад
Ҳайати Тоҷикистон дар конгресси байналмилалӣ минералҳои фоиданоки мамлакатро муаррифӣ намуд
Дар шаҳру ноҳияҳои вилояти Хатлон кишти пиёзу картошка идома дорад
Истеҳсоли барқ дар Тоҷикистон ба ҳаҷми оби дарёҳо, шароити ҳаво ва дигар омилҳои табиӣ вобаста аст. Шарҳи коршинос дар ин маврид
ЯХОБМОНӢ-ЗАХИРАИ НАМӢ БАРОИ СОЛИ ОЯНДА. Ин тадбири муҳим дар Тоҷикистон аз охири моҳи ноябр то моҳи феврал гузаронида мешавад
НОРАСОИИ НЕРУИ БАРҚ-МУШКИЛИИ МИҚЁСИ ҶАҲОНӢ. Сабаби асосии он тағйироти иқлим ба ҳисоб меравад
