Дар Париж тавсеаи ҳамкории Тоҷикистон бо ФИФА ва Арабистони Саудӣ баррасӣ шуд
ДУШАНБЕ, 30.07.2024. /АМИТ «Ховар»/. Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода дар доираи Бозиҳои тобистонаи олимпии Париж – 2024 бо Президенти Федератсияи байналмилалии футбол (ФИФА) Ҷанни Инфантино вохӯрӣ намуд. Дар ин хусус ба АМИТ «Ховар» дар Кумитаи кор бо ҷавонон ва варзиш хабар доданд.
Ҷанни Инфантино аз хотироти сафараш ба Тоҷикистон ёдовар шуда, иброз дошт, ки варзиш дар Тоҷикистон рушд карда, ҷавонони тоҷик дар мусобиқаҳои гуногуни минтақавию байналмилалӣ иштирок ва ҷойҳои намоёнро ишғол менамоянд.
«Бахусус варзиши футбол дар ҳоли рушд қарор дорад, ки ин барои федератсияи мо паёми нек ва мавриди таваҷҷуҳи хос аст», — гуфт Президенти Федератсияи байналмилалии футбол.
Раиси Кумитаи кор бо ҷавонон ва варзиш ҳамчунин дар шаҳри Париж бо Вазири варзиш, Раиси Кумитаи олимпии Арабистони Саудӣ Абдулазиз ибни Туркӣ Ал-Файсал Ал-Сауд вохӯрӣ намуд.
Зимни вохӯрӣ ҷонибҳо ба вусъати ҳамкорӣ байни сохторҳои варзишии ду мамлакат, аз ҷумла байни Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Вазорати варзиши Арабистони Саудӣ, инчунин кумитаҳои миллии олимпӣ ва федератсияҳои футбол ҳавасмандӣ зоҳир намуданд.
Ёдовар мешавем, ки аз 26 июл то 11 август дар шаҳри Париж Бозиҳои 33-юми тобистонаи олимпӣ-2024 идома меёбанд.
Ҷумҳурии Тоҷикистонро дар ин мусобиқаҳо 14 варзишгар аз рӯйи 6 намуди варзиш, аз ҷумла ҷудо, бокс, таэквондо, гӯштини тарзи озод, шиноварӣ ва варзиши сабук муаррифӣ мекунанд.
АКС аз манбаъҳои боз
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
