БОЗИҲОИ ОЛИМПИИ ПАРИЖ-2024. Имрӯз варзишгарони тоҷик ба Ватан бармегарданд
ДУШАНБЕ, 14.08.2024. /АМИТ «Ховар»/. Имрӯз ҳайати дастаи мунтахаби Тоҷикистон аз Бозиҳои олимпии Париж-2024 бо дастоварди олимпӣ ба Ватан бармегардад, иттилоъ медиҳад АМИТ «Ховар».
Хотиррасон мешавем, ки 26 июл дар шаҳри Парижи Фаронса Бозиҳои 33-юми тобистонаи олимпӣ-2024 расман оғоз гардида, 11 август анҷом ёфтанд. Дар ин бозиҳо дастаи мунтахаби Тоҷикистон се медали биринҷӣ ба даст овард.
Ду медалро дар риштаи ҷудо Сомон Маҳмадбеков дар вазни то 81 кг ва Темур Раҳимов дар вазни + 100 кг ба даст оварда, медали сеюмро муштзани тоҷик Давлат Болтаев дар вазни то 92 кг соҳиб гардид.
Ёдовар мешавем, ки ғолибону ҷоизадорони Бозиҳои тобистонаи олимпии Париж -2024 бо Ҷоизаи Президенти Ҷумҳурии Тоҷикистон барои зинаи сеюм- 200 000 сомонӣ ҳавасманд гардонида мешаванд.
Илова бар ин нафароне, ки дар Бозиҳои олимпӣ ҷойҳои сеюмро сазовор шудаанд, аз ҷониби Раиси шаҳри Душанбе муҳтарам Рустами Эмомалӣ бо хонаҳои истиқоматии 1-ҳуҷрагӣ қадршиносӣ мегарданд.
Аз ҷараёни пешвозгирии ҳайати дастаи мунтахаби Тоҷикистон дар Фурудгоҳи байналмилалии Душанбе аз ҷониби ҳаводорону дӯстдорони варзиш дар нашри навбатӣ иттилоъ дода мешавад.
АКС: АМИТ «Ховар»
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
Имрӯз дастаи мунтахаби Тоҷикистон оид ба футбол бо дастаи мунтахаби Чин бозии дӯстона анҷом медиҳад
ҶОМИ ОСИЁ-2027. Дастаи мунтахаби духтаронаи Тоҷикистон (U-17) бо тими Урдун мусовӣ бозӣ кард
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
