Дар деҳаи Искодари ноҳияи Айнӣ барои зарардидагони офати табиӣ хонаҳои нав сохта мешаванд
ДУШАНБЕ, 08.08.2024. /АМИТ «Ховар»/. Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаи Искодари ноҳияи Айнӣ барои зарардидагони офати табиӣ хонаҳои нав сохта мешаванд. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.
Раиси вилояти Суғд Раҷаббой Аҳмадзода дар ноҳияи Айнӣ якҷо бо сокинони деҳа ба бунёди хонаҳои истиқоматӣ хишти аввал гузошт. Барои оилаҳои аз офати табиӣ зарардида дар минтақаи бехавфи дашти Искодар замин ҷудо шуда, дар муҳлати кӯтоҳтарин 15 хонаи истиқоматӣ сохта мешавад.
Иттилоъ дода шуд, ки ба бунёди хонаҳои истиқоматӣ ва дигар инфросохтори зарурӣ идораҳо вобаста шуда, ситоди махсус фаъолият дорад.
Ёдовар мешавем, ки 13 июл бар асари фаромадани сел дар деҳаи Искодар чандин хонаҳои истиқоматӣ пурра ва қисман хароб гардида, Муассисаи таҳсилоти миёнаи умумии №12, боғоту заминҳои кишоварзӣ зарари ҷиддӣ диданд.
Бо дастури махсуси Пешвои миллат муҳтарам Эмомалӣ Раҳмон барои мардуми деҳаи Искодар, ки бар асари офати табиӣ сахт зарар диданд, дар 2,8 гектар дар мавзеи дашти Искодар замин ҷудо карда шуда, барои 15 хоҷагӣ хонаҳои истиқоматӣ сохта мешаванд.
АКС: Хадамоти матбуоти Раиси вилояти Суғд
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
