Дар мулоқот бо намояндагони ширкати «GENEW Technologies Co. LTD»-и Чин масоили телекоммуникатсия баррасӣ шуд
ДУШАНБЕ, 01.08.2024. /АМИТ «Ховар»/. 31 июл вохӯрии роҳбарияти Корхонаи воҳиди давлатии «Шаҳри ҳушманд (Smart city)» — и Мақомоти иҷроияи ҳокимияти давлатии шаҳри Душанбе бо роҳбарияти ширкати «GENEW Technologies Co. LTD» — и Ҷумҳурии Мардумии Чин баргузор гардид, хабар доданд ба АМИТ «Ховар» дар Мақомоти иҷроияи ҳокимияти давлатии шаҳри Душанбе.
Ширкати «GENEW Technologies Co. LTD» соли 2005 таъсис ёфта, корхонаи сатҳи баланди соҳаи технологӣ мебошад. Ҳадафи он ҳалли масъалаҳо дар соҳаи телекоммуникатсия, инчунин таҳия ва таъмини нармафзори миллӣ мебошад.
Зимни мулоқот Корхонаи воҳиди давлатии «Шаҳри ҳушманд» лоиҳаҳоеро, ки дар айни замон дар корбарӣ қарор доранд, муаррифӣ намуд. Яке аз мавзуъҳои асосии вохӯрӣ ҳамкорӣ дар заминаи «Лоиҳаҳои ҳушманд» дар бахшҳои бехатарӣ, маориф ва тандурустӣ, инчунин дар бунёди Маркази коркарди маълумот ва Маркази ҳамоҳангсозӣ буд.
Дар интиҳо тарафҳо баҳри рушди соҳаи телекоммуникатсия табодули афкор намуда, таъкид доштанд, ки ин вохӯрӣ ба ҳамкории минбаъда мусоидат менамояд.
АКС: Корхонаи воҳиди давлатии «Шаҳри ҳушманд (Smart city)»-и Мақомоти иҷроияи ҳокимияти давлатии шаҳри Душанбе
«БУРҶИ ДУШАНБЕ» — 77 ОШЁНА ВА 340 МЕТР БАЛАНДӢ. Сохтмони баландтарин иншоот дар пойтахти Тоҷикистон оғоз гардид
Раиси шаҳри Душанбе Рустами Эмомалӣ бинои нави Кумитаи дин ва танзими ҷашну маросимро ифтитоҳ намуданд
Имсол кӯчаи Абдулаҳад Қаҳҳоров мавриди истифода қарор дода мешавад
Шумораи воситаҳои нақлиёти мусофирбар дар шаҳри Душанбе 20 фоиз зиёд карда шуд
ДУШАНБЕИ ИДОНА. Дар пойтахти Тоҷикистон ба истиқболи 35-солагии Истиқлоли давлатӣ омодагӣ мегиранд
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
35-СОЛАГИИ ИСТИҚЛОЛИЯТИ ДАВЛАТӢ. Дар пойтахти Тоҷикистони соҳибистиқлол — Душанбе лоиҳаҳои азими роҳсозӣ татбиқ гардиданд
Дар ноҳияи Фирдавсии пойтахт корхонаи истеҳсолии ҶСП «Нур Пласт» ба истифода дода шуд
РУШДИ БЕСОБИҚАИ ДУШАНБЕ ДАР 35 СОЛИ СОҲИБИСТИҚЛОЛӢ. Мулоҳизаҳои муовини Раиси Маҷлиси намояндагон Мавсума Муинӣ
35-СОЛАГИИ ИСТИҚЛОЛИ ДАВЛАТӢ. Дар ноҳияҳои Сино ва Шоҳмансури шаҳри Душанбе иншооти муҳим ба истифода дода шуданд
«Фестивали тобистонаи Душанбе – 2026» бо барномаи бошукуҳи фарҳангию фароғатӣ ҷамъбаст гардид
«ФЕСТИВАЛИ ТОБИСТОНАИ ДУШАНБЕ-2026»: Пойтахти Тоҷикистон ба муносибати 35-солагии Истиқлоли давлатӣ мизбони ҷашни фарҳангиву фароғатӣ гардид
