Дар ноҳияи Зафаробод Боғи Парчами давлатӣ ба истифода дода шуд
ДУШАНБЕ, 24.08.2024. /АМИТ «Ховар»/. Дар деҳаи Бахти Ҷамоати деҳоти Равшани ноҳияи Зафаробод Боғи Парчами давлатии Ҷумҳурии Тоҷикистон ба истифода дода шуд, хабар медиҳад АМИТ «Ховар» бо истинод ба хадамоти матбуоти Раиси вилояти Суғд.
Сохтмони Парчами давлатии Ҷумҳурии Тоҷикистон моҳи январи соли 2024 бо ташаббуси сокинон оғоз шуда, баландии сутуни он 18 метр буда, майдон 0,20 гектарро дар бар гирифтааст. Маблағи умумии он 260 000 сомониро ташкил медиҳад.
Зимни ифтитоҳи иншоот роҳбарияти Суғд ташаббуси сокинони ватандӯстро шоистаи пайравӣ арзёбӣ карда, гуфтанд, ки парафшонии Парчами давлатӣ дар деҳа мояи ифтихори ҳар сокини он аст.
Роҳбарияти вилояти Суғд ҳамзамон бо сохтмони бинои иловагии Муассисаи таҳсилоти миёнаи умумии №16-и деҳаи Ҳаёти нави Ҷамоати деҳоти Равшан шинос шуданд. Бинои иловагии муассисаи таҳсилӣ барои 640 хонанда дар як баст пешбинӣ шудааст.
Тибқи лоиҳа, бино аз ду ошёна иборат буда, дорои 13 синфхонаи таълимии замонавӣ, ошхона, маҷлисгоҳ барои 250 нафар ва толори варзишӣ мебошад. Масоҳати умумӣ 4,1 гектар буда, қитъаи замини зери сохтмон 2500 метри мураббаъ мебошад. Бино аз ҳисоби Идораи сохтмони асосии вилоят бунёд мегардад.
Иттилоъ дода шуд, ки корҳои сохтмонӣ дар иншоот соли 2022 оғоз гардида, тибқи нақша соли 2024 ба анҷом расонида мешаванд.
АКС: Хадамоти матбуоти Раиси вилояти Суғд
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
