Дар Париж ҳамкории Тоҷикистон бо Кумитаи байналмилалии олимпӣ оид ба ҳамбастагии олимпии Осиё баррасӣ шуд
ДУШАНБЕ, 01.08.2024 /АМИТ «Ховар»/. Дар доираи Бозиҳои тобистонаи олимпии Париж – 2024 дар шаҳри Парижи Ҷумҳурии Фаронса Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода бо Ҳамоҳангсози қитъавии Кумитаи байналмилалии олимпӣ оид ба ҳамбастагии олимпии Осиё Эдвард Кенсингтон мулоқот намуд. Дар ин хусус ба АМИТ «Ховар» дар ин кумита хабар доданд.
Зимни суҳбат масъалаҳои ҳамкории дуҷониба ва рушди Ҳаракати олимпӣ дар Тоҷикистон, ҳамкорӣ дар доираи барномаҳои Ҳамбастагии олимпӣ баррасӣ шуданд.
Барои дар сатҳи баланд баргузор гардидани Бозиҳои 33-юми тобистонаи олимпӣ – 2024 дар шаҳри Париж аз номи Роҳбарияти Кумитаи миллии олимпии Тоҷикистон ва мақоми ваколатдор дар соҳаи варзиш ва тарбияи ҷисмонии мамлакат ба Кумитаи байналмилалии олимпӣ ва кишвари мизбон изҳори миннатдорӣ карда шуд.
«Мо дар доираи Бозиҳои тобистонаи олимпии Париж – 2024 аз номи Кумитаи байналмилалии олимпӣ ба ҳайати мунтахаби варзишии Тоҷикистон барору музаффарият таманно намуда, муваффақияти минбаъдаро дар ин Бозиҳои олимпӣ, ки то 11 август идома меёбанд, аз ҳайати мунтахаби шумо умед дорем», — иброз дошт Эдвард Кенсингтон.
Дар фарҷоми вохӯрӣ барои тақвияти ҳамкории минбаъда аз номи ҳайати мунтахаби Тоҷикистон ба Ҳамоҳангсози қитъавии Кумитаи байналмилалии олимпӣ оид ба ҳамбастагии олимпии Осиё туҳфа бо ҷойгиршавии нигораҳои миллӣ ва рамзи Кумитаи миллии олимпии Тоҷикистон эҳдо гардид.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар ноҳияи Данғара фестивали бозиҳои миллӣ бо шукуҳи хосса баргузор шуд
Лигаи футболи Тоҷикистон дар остонаи мавсими нав барои комиссарон семинари омӯзишӣ баргузор кард
Дастаи мунтахаби Тоҷикистон оид ба футболи электронӣ нахустин маротиба дар мусобиқаи FIFAe Nations League иштирок мекунад
Дастаи миллии занонаи Тоҷикистон оид ба футбол бо тими Амороти Муттаҳидаи Арабӣ ду бозии дӯстона доир мекунад
Дастаи миллии занонаи Тоҷикистон оид ба футбол дар Душанбе ба машқҳои дастҷамъона фаро гирифта шуд
Дастаи мунтахаби наврасони Тоҷикистон (U-17) дар Ҷопон дар мусобиқаи байналмилалӣ иштирок кард
Дастаи мунтахаби наврасони Тоҷикистон (U-16) оид ба футбол дар «Ҷоми рушд-2026» ҷойи панҷумро соҳиб гардид
Дастаҳои футболи Тоҷикистон бо дастурҳои навшудаи доварон барои мавсими 2026 шинос шуданд
Дар Душанбе оид ба ҳуқуқҳои байналмилалии футбол ва идоракунии бошгоҳҳо машғулият баргузор гардид
Дастаи «Ҳулбук»-и Восеъ ғолиби Ҷоми Федератсияи футболи Тоҷикистон-2026 шуд
ҶОМИ ФФТ-2026. Имрӯз бозии финалии дастаҳои «Барқчӣ»-и Ҳисор ва «Ҳулбук»-и Восеъ доир мегардад
ФУТБОЛ. Дастаи мунтахаби наврасони Тоҷикистон дар мусобиқаи «Ҷоми рушд-2026» иштирок мекунад
