Эмомалӣ Раҳмон: «Барои дар сатҳи баланд доир кардани мусобиқаҳои милливу ҷаҳонӣ оид ба гӯштингирӣ талош хоҳем кард»
ДУШАНБЕ, 30.08.2024. /АМИТ «Ховар»/. Имрӯз Президенти Ҷумҳурии Тоҷикистон дар маросими ифтитоҳи нахустин Чемпионати ҷаҳон оид ба гӯштингирӣ, ки дар «Қасри теннис ва маҷмааи варзиши обӣ» баргузор гардид, изҳор доштанд, ки муҳайё намудани шароити созгори инфрасохториву ташкилӣ барои рушди варзиш, бо шумули гӯштингирӣ дар маркази таваҷҷуҳи Ҳукумати Тоҷикистон қарор дорад.
«Мояи ифтихору сарфарозӣ аст, ки бо талошу кӯшишҳои пайвастаи давлат ва Ҳукумати мамлакат гӯштини миллии тоҷикӣ мақоми байналмилалӣ касб намуд.
Ин аст, ки мамлакати мо имрӯз мизбони чорабиниҳои гуногуни байналмилалӣ оид ба ин намуди варзиш, аз ҷумла нахустин Чемпионати ҷаҳон оид ба гӯштингирӣ мебошад», -таъкид намуданд Сарвари давлат.
Пешвои миллат иброз доштанд, ки бо шарофати соҳибистиқлолӣ пойтахти Тоҷикистон – шаҳри Душанбе илова бар ин ки мизбони ҳамоишҳои гуногуни байналмилалӣ оид ба об ва дигар масоили глобалии сайёра мебошад, дар ин шаҳри зебову муосири тоҷикон бузургтарин чорабиниҳои сатҳи байналмилалии варзишӣ низ баргузор мегарданд.
«Агар дар аввалин чорабинии сатҳи байналмилалии ин намуди варзиш, ки ба хотири муаррифии гӯштингирӣ доир гардида, нахустин талоши мо барои ҷаҳонӣ кардани он ба ҳисоб мерафт, намояндагону варзишгарони 8 давлати дунё иштирок карда бошанд, дар чемпионати имрӯза намояндагони 63 давлати дунё иштирок доранд», — изҳор намуданд муҳтарам Эмомалӣ Раҳмон.
Президенти Тоҷикистон бо хушнудӣ иброз намуданд, ки минбаъд низ барои дар сатҳи баланди ташкилӣ доир кардани Чемпионати Осиё, Ҷоми Осиё, Чемпионати ҷаҳон ва Ҷоми ҷаҳон, инчунин дигар мусобиқаҳои сатҳи баланди милливу ҷаҳонӣ оид ба гӯштингирӣ талош хоҳем кард.
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
