«ФУРӮҒИ СУБҲИ ДОНОӢ КИТОБ АСТ». Даври сеюми озмуни ҷумҳуриявӣ дар вилояти Суғд то 25 август идома меёбад
ДУШАНБЕ, 20.08.2024 /АМИТ «Ховар»/. Аз 16 август дар вилояти Суғд даври сеюми Озмуни ҷумҳуриявии «Фурӯғи субҳи доноӣ китоб аст» оғоз гардид, ки дар он 1330 довталаб аз рӯйи номинатсияҳои адабиёти кӯдакону наврасон ва осори шифоҳӣ, адабиёти классикии тоҷик, адабиёти муосири тоҷик, адабиёти ҷаҳон, эҷоди назм ва эҷоди наср иштирок менамоянд.
Тавре ба АМИТ «Ховар» дар Мақомоти иҷроияи ҳокимияти давлатии шаҳри Бӯстон иттилоъ доданд, 19 август муовини Сарвазири Ҷумҳурии Тоҷикистон, Раиси комиссияи Озмуни ҷумҳуриявии «Фурӯғи субҳи доноӣ китоб аст» Дилрабо Мансурӣ бо ҷараёни баргузории озмун дар шаҳри Бӯстон шинос гардид. Дилрабо Мансурӣ иброз дошт, ки ҳадаф аз баргузории озмунҳо- баланд бардоштани маънавиёти ҷомеа, шинохти асли хеш ва дарёфти чеҳраҳои дурахшони илму маърифат аст, ки минбаъд барои рушд ва шукуфоии Ватан хизмат намоянд.
Муовини Сарвазири Тоҷикистон ҳайати ҳакамонро даъват намуд, ки зимни санҷиши дониш, маҳорат ва истеъдоди довталабон ба хатогӣ роҳ надиҳанд ва бо довталабон муомилаи хуш намуда, то ба охир онҳоро шунаванд ва дар кадом сатҳ омода будани онҳоро муайян намоянд.
Ҳамчунин гуфта шуд, ки ҳар баромади иштирокчиён пурра ба навор гирифта шуда, ҳайати кории комиссияи аппелятсионӣ корашро шаффоф ва боадолатона анҷом диҳад. Дар озмун танҳо онҳое бояд ғолиб оянд, ки воқеан ҳам дониши баланду ҷаҳонбинии васеъ дошта, аз баҳри дурру гавҳари илми маонӣ бештар бархурдор бошанд. Танҳо таъмини адолат метавонад барои такмили маҳорат ва дониши довталабон заминаи мусоид фароҳам оварад.
Даври сеюми озмуни ҷумҳуриявии «Фурӯғи субҳи доноӣ китоб аст» дар вилояти Суғд то 25 август идома меёбад
АКС: Мақомоти иҷроияи ҳокимияти давлатии шаҳри Бӯстон
Бахшида ба Рӯзи омӯзгорон 377 нафар собиқадорону кормандони маорифи ноҳияи Сино қадрдонӣ шуданд
Саида Ғаффорова: «Таваҷҷуҳи Ҳукумати Тоҷикистон ва дастгирии Сарвари давлат мо, омӯзгоронро рӯҳбаланд ва ба касбамон дилгарм месозад»
ДАР РАҲИ МАЪНӢ РАФИҚЕ БЕҲТАР АЗ УСТОД НЕСТ. Эҳдо ба Рӯзи омӯзгорон
«ПЕШАИ ОМӮЗГОРӢ МУҚАДДАСТАРИН КАСБИ РӮИ ОЛАМ АСТ». Иқтибос аз суханронии Президенти Тоҷикистон муҳтарам Эмомалӣ Раҳмон
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2024 муайян шуданд
Дар Маркази кӯдакон ва наврасони шаҳри Душанбе бахшида ба Рӯзи омӯзгорон ҳамоиши идона доир шуд
Дар Донишгоҳи байналмилалии сайёҳӣ ва соҳибкории Тоҷикистон Рӯзи забони давлатӣ ва Рӯзи омӯзгорон таҷлил гардид
Дар Донишгоҳи миллии Тоҷикистон бахшида ба Рӯзи забони давлатӣ ҳамоиши илмӣ-назариявӣ доир шуд
Бо иқдоми Раиси шаҳри Душанбе ба 142 нафар мураббиён ва омӯзгорони пойтахт мукофоти пулӣ дар ҳаҷми 3000 сомонӣ дода шуд
Бахшида ба Рӯзи забони давлатӣ ва Рӯзи омӯзгорон дар Донишгоҳи техникии Тоҷикистон ҳамоиши тантанавӣ доир шуд
ЗАБОН- НИШОНАИ МИЛЛАТ. Дар Донишгоҳи давлатии Бохтар бахшида ба Рӯзи забони давлатӣ конференсия доир шуд
