Имрӯз ҳунармандони «Казакконсерт» дар Душанбе санъати миллии қазоқиро намоиш медиҳанд
ДУШАНБЕ, 24.08.2024. /АМИТ «Ховар»/. Имрӯз дар Театри давлатии академии опера ва балети Тоҷикистон ба номи С.Айнӣ ҳунармандони Ташкилоти давлатии академии консертии «Казакконсерт» ба номи Роза Багланова санъати миллии қазоқиро пешкаши тамошобинон мекунанд. Дар ин хусус ба АМИТ «Ховар» дар Театри давлатии академии опера ва балети Тоҷикистон ба номи С.Айнӣ хабар доданд.
Онҳо сурудҳои халқии қазоқӣ, асарҳои асбобӣ ва композитсияҳои асбобию хореографиро иҷро менамоянд.
Барои сокинон ва меҳмонони шаҳри Душанбе Ансамбли давлатии фолклории «Остона Сази»-и Қазоқистон, гурӯҳи «Saz & Soul», Ходими хизматнишондодаи Қазоқистон Айзат Карабек, лауреати Мукофоти давлатии ҷавонон «Дарин» Аскар Мукият, лауреатҳои озмунҳои байналхалқӣ ва ҷумҳуриявӣ Султон Ахмет ва Инкар Айдархонкизи ҳунарнамоӣ мекунанд.
Ҳамчунин асари композитори барҷаста Шарофиддин Сайфиддинов «Давлати ман — Тоҷикистон», ки соли 2004 навишта шудааст, садо медиҳад. Ин суруд ҳамеша ба дили шунавандагон нисбат ба зебоии зодгоҳ, қувваи боварибахши аккордҳо, боварии бепоён ба мардум ва давлати худ завқи ҳаяҷонбахш мебахшад.
Онро Ҳунарпешаи шоистаи Ҷумҳурии Тоҷикистон Содиқ Нуруллоев иҷро мекунад.
Барномаи ҳунарӣ ба таҳкими дӯстӣ ва ҳамкории Қазоқистон ва Тоҷикистон мусоидат менамояд.
АКС: Театри давлатии академии опера ва балети Тоҷикистон ба номи С.Айнӣ
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
