НИШАСТИ МАТБУОТӢ. Дар давраи соҳибистиқлолии Тоҷикистон қариб 11 ҳазор иншооти варзишӣ сохта шуд
ДУШАНБЕ, 05.08.2024. /АМИТ «Ховар»/. Дар шаҳру ноҳияҳои Тоҷикистон 10 ҳазору 934 иншооти варзишӣ, новобаста аз шакли моликият фаъолият доранд, ки дар онҳо наврасону ҷавонон аз намудҳои гуногуни варзиш ба тамринҳои доимӣ фаро гирифта шудаанд. Чунин иброз дошт муовини якуми Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Шабнам Раҳимзода имрӯз зимни нишасти матбуотӣ.
«Аз ҷумла, 126 варзишгоҳ, 7601 майдончаи варзишӣ, 2251 толори варзишӣ, 97 ҳавзи шиноварӣ, 88 маҷмааю маркази солимгардонӣ, бошгоҳҳои варзишӣ ва 771 иншооти махсуси варзишӣ, аз қабили тир, боулинг, фитнес, билярд, ҷойи яхмолакбозӣ (каток), тенниси рӯи миз ва клубҳои ихтиёрӣ мавҷуд мебошанд, ки фаъолияти пурсамар доранд», -илова намуд муовини якуми Раиси Кумитаи кор бо ҷавонон ва варзиш.
Ба иттилои муовини раиси кумита Муҳаммадтолиб Шокирзода, то замони соҳибистиқлолӣ агар дар мамлакат 1500 иншооти варзишӣ мавҷуд буд, имрӯз ин шумора 9 баробар афзудааст, яъне шумораи ин иншоот ба 11 ҳазор наздик шудааст.
«Танҳо давоми шашмоҳаи якуми соли 2024 дар шаҳру ноҳияҳои ҷумҳурӣ 49 иншооти варзишӣ, аз ҷумла 35 майдончаи варзишӣ, 12 толори варзишӣ, 1 ҳавзи шиноварӣ ва 1 маҷмааи варзишӣ ва солимгардонӣ бо харҷи 17 миллиону 450 ҳазор сомонӣ сохта, ба истифода дода шуд, ки 2 миллиону 310 ҳазор сомонии он аз ҳисоби маблағҳои буҷетӣ ва 15 миллиону 140 ҳазор сомонӣ аз ҳисоби соҳибкорону сарпарастон мебошад», — гуфт ӯ .
Муҳаммадтолиб Шокирзода иброз дошт, ки натиҷаи дастгирӣ ва ғамхориҳои Президенти Тоҷикистон ва ҳукумати ҷумҳурӣ аст, ки солҳои охир варзишгарони мамлакат пайваста дар мусобиқаҳои байналмилалӣ иштирок намуда, бо сазовор гардидан ба ҷойҳои ифтихорӣ нуфузу эътибори сарзамини соҳибистиқлоламонро баланд бардошта, Тоҷикистонро дар арсаи ҷаҳонӣ муаррифӣ менамоянд.
«Аз ҷумла, дар ин шабу рӯз варзишгарони тоҷик дар Бозиҳои тобистонаи олимпии Париж-2024 дар байни парчамҳои 206 давлати ҷаҳон Парчами давлатии Ҷумҳурии Тоҷикистонро парафшон намуданд, ки мояи ифтихор ва сарбаландии ҳар кадоми мо аст», — гуфт Муҳаммадтолиб Шокирзода.
Зарангези ЛАТИФ,
Тоҳири САИД (АКС),
АМИТ «Ховар»
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
