НИШАСТИ МАТБУОТӢ. Дар Тоҷикистон 100 ҳазор ҷойи кори нав таъсис дода шуд
ДУШАНБЕ, 06.08.2024 /АМИТ «Ховар»/. Дар шашмоҳаи якуми имсол дар мамлакат дар маҷмуъ зиёда аз 100 ҳазор ҷойи кори нав, аз ҷумла 60,3 ҳазор ҷойи кор дар бахши воқеӣ ва 39,8 ҳазор ҷойи кор дар бахши хизматрасонӣ таъсис дода шудааст, ки нисбат ба ҳамин давраи ҳисоботӣ мутаносибан 7,7 фоиз зиёд мебошад. Дар ин хусус имрӯз зимни нишасти матбуотӣ Вазири меҳнат, муҳоҷират ва шуғли аҳолии Ҷумҳурии Тоҷикистон Гулнора Ҳасанзода иттилоъ дод.
Иброз гардид, ки таъсиси бештари ҷойи нави кор ба соҳаи кишоварзӣ- 34,3 ҳазор ҷой, сохтмон- 16,9 ҳазор ҷой, савдо- 11,4 ҳазор ҷой, маориф- 7,6 ҳазор ва нақлиёт 3,8 ҳазор ҷойи кор рост меояд.
Дар баробари ин дар якчанд соҳаҳои иқтисоди мамлакат таъсиси ҷойи нави кор нисбат ба шашмоҳаи якуми соли 2023 коҳиш ёфтааст, аз ҷумла дар соҳаи таъмини неруи барқ, газ- 1218 ҷойи кор, идоракунии давлатӣ- 945 ҷойи кор, тандурустӣ- 1068 ҷойи кор, фаъолияти молиявӣ ва суғурта- 352 ҷойи кор, саноати истихроҷ- 295 ҷойи кор, меҳмонхона ва тарабхона- 212 ҷойи кор.
Иттилоъ дода шуд, ки ба ҳолати 1 июни имсол музди миёнаи ҳармоҳаи номиналии меҳнат, ки ба кормандони кироякор пардохт шудааст, 2148 сомониро ташкил медиҳад, ин нисбат ба ҳамин давраи соли 2023 241 сомонӣ зиёд мебошад.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар ноҳияи Шамсиддини Шоҳин ба муносибати таъсиси Қувваҳои Мусаллаҳи Тоҷикистон ҳамоиш доир шуд
Дар партави ҳидоятҳои Президенти Тоҷикистон ба оилаҳои ниёзманд дар шаҳри Душанбе кумак расонида шуд
Дар мақомоти Ваколатдор оид ба ҳуқуқи инсон бахшида ба Рӯзи Қувваҳои Мусаллаҳи Тоҷикистон конфронс доир шуд
Дар Агентии суғуртаи иҷтимоӣ ва нафақа Рӯзи Қувваҳои Мусаллаҳи Тоҷикистонро таҷлил намуданд
Бахшида ба таъсиси Қувваҳои Мусаллаҳи Тоҷикистон дар Кумита оид ба таҳсилоти ибтидоӣ ва миёнаи касбӣ ҳамоиши тантанавӣ баргузор шуд
Риояи қонуни танзими ҷашну маросим омили сарфакорӣ ва таҳкими маърифати ҳуқуқии шаҳрвандон мебошад
Дар ноҳияи Ёвон намоиши ҷойи нави кор баргузор гардид
Масъалаи рушди низоми таҳсилоти ибтидоӣ ва миёнаи касбӣ дар Тоҷикистон бо Роҳбари Намояндагии Иттиҳоди Аврупо баррасӣ гардид
Ҷаласаи Кумитаи роҳбарикунандаи байниидоравӣ оид ба татбиқи лоиҳаи «Миллати солими Тоҷикистон» баргузор шуд
Бахшида ба 35-солагии Истиқлоли давлатӣ 47 бинои муассисаи таълимии таҳсилоти ибтидоии касбӣ таъмир гардид
ҶОИЗАИ БА НОМИ ИСМОИЛИ СОМОНӢ. Барои олимони ҷавон дар соли 2026 озмун эълон гардид
Дар Тоҷикистон барои табобати омоси ҷигар усули нав амалӣ шуд
