НИШАСТИ МАТБУОТӢ. Дар Тоҷикистон беш аз 21 ҳазор нафар табиб фаъолият мекунад
ДУШАНБЕ, 05.08.2024 /АМИТ «Ховар»/. То 1 июли имсол дар муассисаҳои тандурустии мамлакат 21 616 табиб ва 62 485 корманди миёнаи тиббӣ кор мекунанд, ки ин нишондиҳанда нисбат ба соли 2023 2,1 ва 1,8 фоиз зиёд мебошад. Ин матлабро имрӯз зимни нишасти матбуотӣ Вазири тандурустӣ ва ҳифзи иҷтимоии аҳолии мамлакат Ҷамолиддин Абдуллозода баён дошт.
Тибқи омори пешакӣ, банд будани воҳидҳои кории табибон 91,4 ва кормандони миёнаи тиббӣ 99 фоизро ташкил дода, нисбат ба як соли пеш тахминан 3,5 ва 1,4 фисад зиёд мебошад.
Дар шаш моҳи имсол 1167 нафар табиб ва 2347 нафар корманди миёнаи тиббӣ ба аттестатсия фаро гирифта шуд. Инчунин теъдоди ба ҷои кор ҳозиршудагони соли таҳсили 2020 – 2021 — и Донишгоҳи давлатии тиббии Тоҷикистон ба номи Абӯалӣ ибни Сино беш аз 90 фоизро ташкил медиҳад.
Дар нишаст иттилоъ дода шуд, ки дар айни замон дар ҷумҳурӣ 37 коллеҷи тиббӣ, аз ҷумла 16 коллеҷи тиббии давлатӣ ва 21 коллеҷи тиббии ғайридавлатӣ фаъолият доранд.
АКС: АМИТ «Ховар»
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби ин озмун гардид
Имрӯз дар Тоҷикистон ҳавои камабри бебориш дар назар аст
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
