РӮЗИ ВАРЗИШГАРОНИ ТОҶИКИСТОН. Имсол варзишгарони вилояти Хатлон соҳиби 522 медали тилло шуданд
ДУШАНБЕ, 10.08.2024 /АМИТ «Ховар»/. Дар шаш моҳи имсол варзишгарони вилояти Хатлон дар 95 чемпионат ва мусобиқаҳои ҷумҳуриявӣ иштирок карда, соҳиби 522 медали тилло, 441 медали нуқра, 536 медали биринҷӣ шуданд. Ҳамзамон дар 19 мусобиқаи байналмилалӣ иштирок намуда, 18 медали тилло, 17 медали нуқра ва 37 медали биринҷӣ ба даст оварданд. Дар ин хусус 9 август зимни баргузории ҳамоиши идона бахшида ба Рӯзи варзишгарони Тоҷикистон дар шаҳри Бохтар иттилоъ дода шуд.
Дар вилояти Хатлон барои фаро гирифтани аҳолӣ ба варзиш ва тарбияи ҷисмонӣ 4127 иншооти гуногуни варзишӣ фаъолият доранд, ки инҳо 37 мактаби варзишӣ, 40 варзишгоҳ, 3196 майдончаи варзишӣ, 574 толори варзишӣ, 38 ҳавзи шиноварӣ, 11 маҷмааи варзишӣ ва 231 иншооти махсуси варзишӣ мебошанд.
Инчунин бо мақсади фароҳам овардани шароити муносиб барои тамрини наврасону ҷавонон ва дигар табақаи ҷомеа дар вилоят ба истиқболи ҷашни 35-солагии Истиқлоли давлатӣ 261 иншоот ба нақша гирифта шудааст, ки аз ин теъдод 61-тои он мавриди истифода қарор гирифта, дар иншооти дигар корҳо идома доранд.
Муовини Раиси вилояти Хатлон Анзурат Абдусаломзода иброз намуд, ки Рӯзи варзишгарони Тоҷикистон ба даврае рост омадааст, ки парчамбардорони мамлакат дар баробари варзишгарони 206 давлати дунё дар бозиҳои тобистонаи 33-юми Олимпиадаи Париж-2024 аз намудҳои гӯштини ҷудо,тарзи озод, бокс, варзиши сабук, таэквандо, шиноварӣ иштирок карда, бо майдондорӣ ва ба даст овардани медалҳои биринҷӣ Парчами мамлакатро дар арсаи байналмилалӣ баланд бардоштанд.
Дар ҷараёни ҳамоиш аз ҷониби Мақомоти иҷроияи ҳокимияти давлатии вилояти Хатлон дар ҳамбастагӣ бо Раёсати кор бо ҷавонон ва варзиши вилоят ғолибони мусобиқаи варзишии Ҷоми Раиси вилояти Хатлон бо туҳфаҳои хотиравӣ сарфароз гардонида шуданд.
АКС: Хадамоти матбуоти Раиси вилояти Хатлон
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
