СОЛИ МАЪРИФАТИ ҲУҚУҚӢ. Дар «Тоҷикаэронавигатсия» доир ба такмили донишҳои ҳуқуқӣ ҳамоиш баргузор шуд
ДУШАНБЕ, 15.08.2024 /АМИТ «Ховар»/. Бахшида ба Соли маърифати ҳуқуқӣ дар Корхонаи воҳиди давлатии /КВД/ «Тоҷикаэронавигатсия» бо иштироки намояндагони масъули Прокуратураи нақлиёти Тоҷикистон ва кормандони ниҳоди аэронавигатсионии мамлакат ҳамоиш баргузор гардид, иттилоъ медиҳад АМИТ «Ховар» бо истинод ба «Тоҷикаэронавигатсия».
Тавре таъкид гардид, имрӯз Ҳукумати Ҷумҳурии Тоҷикистон таҳти сиёсати Пешвои миллат муҳтарам Эмомалӣ Раҳмон барои ташкили ҷомеаи қонунмеҳвар
талош намуда, дар остонаи ҷашни 30-солагии Конститутсияи Ҷумҳурии Тоҷикистон соли 2024 Соли маърифати ҳуқуқӣ эълон гардид. Ҳадаф аз ин иқдом фарогирии маҷмуи масъалаҳои хеле муҳим ва саривақтӣ буда, интизор меравад, ки вобаста ба ин масоил иқдоми муассир амалӣ шаванд.
Махсусан дар самти баланд бардоштани сатҳи маърифати ҳуқуқии шаҳрвандон, тарғиби арзишҳои ҳуқуқӣ ва демократӣ, тақвияти институти ҳуқуқи инсон ва муносибати эҳтиромона ба он, ташаккули низоми устувори рафтори ҳуқуқӣ, оштинопазирӣ нисбат ба ҳама гуна ҳуқуқвайронкунӣ ва ногузир будани масъулияти ҳуқуқӣ, тавсеаи дастрасии шаҳрвандон ба иттилооти ҳуқуқӣ ва омода намудани мутахассисони ҳуқуқшиноси забондон.
Дар ҳамоиш кормандони масъули Прокуратураи нақлиёти Тоҷикистон доир ба ворид гардидани тағйиру иловаҳо ба Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» ва Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» ибрози назар намуда, муҳтавои ҳар қисми ин қонунҳоро тавзеҳ доданд.
Ворид намудани тағйиру илова ба қонунҳои миллӣ ба ҳифзи арзишҳои асили фарҳанги миллӣ, пешгирии хурофоту таассуб, баланд бардоштани маънавиёт, сатҳи иҷтимоию иқтисодии мардум, баланд бардоштани масъулияти падару модар дар таълиму тарбияи фарзанд, дар замири фарзандон ҷой намудани руҳияи инсондӯстӣ, ифтихори ватандорӣ, эҳтироми арзишҳои миллӣ, умумибашарӣ ва фарҳангӣ, инчунин ҳифзи ҳуқуқу манфиатҳои фарзанд равона гардидааст.
АКС: Корхонаи воҳиди давлатии «Тоҷикаэронавигатсия»
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
