Қариб 70 ҳазор сайёҳ маконҳои таърихию фарҳангӣ ва истироҳатию табобатии шаҳри Ҳисорро тамошо карданд
ДУШАНБЕ, 25.09.2024 /АМИТ «Ховар»/. Қариб 70 ҳазор сайёҳони дохилию хориҷӣ имсол маконҳои таърихию фарҳангӣ ва истироҳатию табобатии шаҳри Ҳисорро тамошо кардаанд. Дар ин хусус ба хабарнигори АМИТ «Ховар» мудири бахши рушди сайёҳии шаҳри Ҳисор Бахтиёр Неъматов иттилоъ дод.
Аз шумораи умумии сайёҳон қариб 6 ҳазорашро сайёҳони хориҷӣ ташкил медиҳанд, ки гардиши умумии хизматрасонӣ беш аз 10 миллион сомониро ташкил додааст.
Дар шаҳри Ҳисор бо мақсади рушди соҳаи сайёҳӣ якчанд иншоот ва инфрасохтори сайёҳӣ сохта, ба истифода дода шуд, ки дар самти баланд бардоштани сатҳи хизматрасонӣ ба сайёҳону меҳмонон нақши муассир мегузорад. Ҳоло дар шаҳр се меҳмонхона, 16 бӯстонсаро ва шаш осоишгоҳ, аз қабили «Шоҳамбарӣ», «Сатурн», «Сангчашма» фаъолият намуда, ба сайёҳону меҳмонон дар сатҳи баланд хизмат мерасонанд. Аз ҷумла, дар шаҳри Ҳисор ду меҳмонхонаи калони ҷавобгӯ ба меъёрҳои байналмилалӣ — меҳмонхонаи «Усто Набот» ва «Даҳбед» фаъолият доранд.
Дар назар аст, ки то ҷашни 35-солагии Истиқлоли давлатии Ҷумҳурии Тоҷикистон дар ҳудуди шаҳри Ҳисор 11 инфрасохтори нави замонавии сайёҳӣ, аз ҷумла меҳмонхона, осоишгоҳ, тарабхона ва дигар марказҳои хизматрасонӣ бунёд карда шаванд.
Инчунин дар ин давра теъдоди зиёди меҳмонону сайёҳон бо Маҷмааи истироҳатию фарҳангии «Шаршара», истироҳатгоҳи «Грин Вуд Хаус» ва дигар инфрасохтори сайёҳӣ шинос гардид.
Барои рушди сайёҳии экологӣ дар шаҳри Ҳисор хатсайри нави сайёҳии табиии экологӣ-таърихию фарҳангӣ таъсис дода шуд. Бо мақсади рушди соҳаи сайёҳӣ якчанд иншоот ва инфрасохтори сайёҳӣ ба истифода дода шуд, ки дар самти баланд бардоштани сатҳи хизматрасонӣ ба сайёҳону меҳмонон нақши муассир мегузоранд. Алҳол дар ҳудуди шаҳри Ҳисор қариб 90 ёдгории таърихӣ, аз ҷумла ҳашт ёдгории монументалӣ, 12 адад меъморӣ ва 67 адад археологӣ мавҷуд мебошанд.
Ёдгории таърихие, ки намунаи зиндаи таърихи миллати тоҷикро ба ҷаҳониён шинос менамояд, «Қалъаи Ҳисор» мебошад, ки таваҷҷуҳи сайёҳони хориҷиро хеле зиёд ҷалб намудааст. Бо назардошти муаррифии таъриху тамаддуни Ҳисор ба ҷаҳонгардон ва меҳмонон дар Мамнуъгоҳи таърихию фарҳангии «Қалъаи Ҳисор» «Бозори ҳунармандон» ташкил гардидааст, ки дар растаҳои он маҳсули дастони ҳунармандон ба намоиш ва фурӯш гузошта шудааст.
Марзия САИДЗОДА,
АМИТ «Ховар»
АКС аз манбаъҳои боз
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
РАВАНДИ ОБИ ДУШАНБЕ. Иштирокчиёни Конфронси 4-уми байналмилалӣ мавзеъҳои ҷолиби Тоҷикистонро тамошо мекунанд
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
Дар Донишгоҳи байналмилали сайёҳӣ ва соҳибкории Тоҷикистон коргоҳи коромӯзӣ барои устодон ва донишҷӯён ифтитоҳ ёфт
Тоҷикистон ва Туркия ҳамкориро дар соҳаи сайёҳӣ густариш медиҳанд
