АЗ ПРЕЗИДЕНТИ ТОҶИКИСТОН СИПОСГУЗОРЕМ! Имсол 20 олим соҳиби мукофоти давлатӣ гардид
ДУШАНБЕ, 08.09.2024. /АМИТ «Ховар»/. Дар арафаи ҷашни 33-солагии Истиқлолияти давлатии Ҷумҳурии Тоҷикистон беш аз 20 нафар олимони Академияи миллии илмҳои Тоҷикистон бо мукфотҳои давлатӣ, ба монанди «Корманди шоистаи илм» ва медали «Хизмати шоиста» сарфароз гардонида шуданд, ки аз онҳо шаш нафар аз шуъбаи илмҳои биология мебошанд.
Дар солҳои Истиқлолияти давлатии Ҷумҳурии Тоҷикистон илми тоҷик низ ба дастовардҳои назаррас соҳиб гардид, ки ин пеш аз ҳама, ба талошу ғамхориҳои Президенти Тоҷикистон муҳтарам Эмомалӣ Раҳмон нисбат ба рушди илми тоҷик вобастагии калон дорад. Масалан, олимони шуъбаи биологияи Академияи миллии илмҳои Тоҷикистон (АМИТ) дар солҳои Истиқлолияти давлатии Ҷумҳурии Тоҷикистон дар омӯзиш ва таҳқиқоти набототу ҳайвоноти нодири мамлакат натиҷаҳои арзишманди илмӣ ба даст оварданд.
Дар натиҷаи тақвият додани корҳои таҳқиқотӣ дар бахшҳои соҳаҳои муосири илм, ба монанди генетика, селексия ва биотехнология дар Институти ботаника, физиология ва генетикаи растании Академияи миллии илмҳои Тоҷикистон бештар аз 10 навъи серҳосилу ба касалиҳо тобовари зироати кишоварзӣ ба даст оварда шуд, ки ҳоло дар майдони беш аз 10 ҳазор гектар кишту кор мегарданд. Олимони ин махзани илм тавассути ба даст овардани чунин навъу намунаҳои нодири зироати кишоварзӣ дар таъмини амнияти озуқавории аҳолӣ, ки яке аз ҳадафҳои стратегии Ҳукумати Тоҷикистон ба шумор меравад, саҳми арзанда мегузорнад. Чунин дастовардҳои самараноки илмӣ дар солҳои Истиқлолияти давлатии Ҷумҳурии Тоҷикистон дар дигар муассисаҳои илмии зертобеи Академияи миллии илмҳои Тоҷикистон низ ба даст оварда шудаанд.
Ҳукумати Ҷумҳурии Тоҷикистон, хосса Президенти мамлакат муҳтарам Эмомалӣ Раҳмон ҳар сол дар арафаи ҷашни Истиқлолияти давлатии Ҷумҳурии Тоҷикистон меҳнату натиҷаҳои бадастовардаи олимони тоҷикро қадрдонӣ намуда, онҳоро бо мукофоту ҷоизаҳои давлатӣ сарфароз мегардонанд, ки ин ба кӯшишу ғайрати олимони тоҷик қувва ва илҳоми нав мебахшад.
Олимони тоҷик аз ин ғамхорӣ ва дастгирии Президенти Ҷумҳурии Тоҷикистон муҳтарам Эмомалӣ Раҳмон сипосгузор буда, минбаъд низ тамоми қувваю неруи илмиро барои самаранок гардидани натиҷаҳои илмӣ сарф намуда, дар рушди иқтисодиёти мамлакат саҳм мегузоранд.
АКС аз бойгонӣ
35-СОЛАГИИ ИСТИҚЛОЛИ ДАВЛАТӢ. Дар деҳаи Калфи Сабади ноҳияи Ёвон майдони варзишии муосир сохта мешавад
Дар шаҳру ноҳияҳои вилояти Суғд беш аз 2 ҳазор километр роҳ таъмиру навсозӣ карда шуд
«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Турсунзода бинои Муассисаи таҳсилоти томактабии хусусии «Ғунчаҳои Истиқлол»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода 8 муассисаи таҳсилоти миёнаи умумиро тариқи фосилавӣ ба истифода доданд
Пешвои миллат Эмомалӣ Раҳмон дар деҳаи Регари шаҳри Турсунзода Муассисаи таҳсилоти миёнаи умумии № 23-ро ба истифода доданд
Сарвари давлат Эмомалӣ Раҳмон дар шаҳри Турсунзода ба фаъолияти марҳилаи дуюми ҶДММ «Алюмин Проф» оғоз бахшиданд
Дар ноҳияи Ёвон якчанд иншооти иҷтимоӣ ва инфрасохторӣ мавриди истифода қарор гирифт
