БА ПРЕЗИДЕНТ ВА БА ВАТАН СОДИҚОНА ХИЗМАТ МЕКУНЕМ! 29-солагии таъсиси Гвардияи миллии Тоҷикистон бо руҳияи баланди ватандӯстӣ таҷлил гардид
ДУШАНБЕ, 03.09.2024 /АМИТ «Ховар»/. Имрӯз хизматчиёни ҳарбии Гвардияи миллии Ҷумҳурии Тоҷикистон ду ҷашни бузурги миллӣ- 33-солагии Истиқлоли давлатӣ ва 29-солагии фаъолияти Гвардияи миллии Ҷумҳурии Тоҷикистонро бо руҳияи баланди ватандӯстӣ ва ифтихор аз Тоҷикистони соҳибистиқлол ботантана таҷлил намуданд.
Тавре ба АМИТ «Ховар» дар шуъбаи иттилоот ва робита бо ҷомеаи Гвардияи миллӣ хабар доданд, дар ҷамъомад намояндагони Ҳукумати Ҷумҳурии Тоҷикистон, собиқадорони гвардия ва ҳайати шахсии Гвардияи миллӣ иштирок намуданд.
Котиби Шурои амнияти Ҷумҳурии Тоҷикистон Насрулло Маҳмудзода Паёми табрикии Президенти ҷумҳурӣ, Сарфармондеҳи Олии Қувваҳои Мусаллаҳи Ҷумҳурии Тоҷикистонро қироат намуда, ҳайати шахсии Гвардияи миллиро бо ҷашни Истиқлоли давлатӣ ва Рӯзи таъсиси Гвардияи миллии Ҷумҳурии Тоҷикистон табрик гуфт. Аз роҳи пуршарафи ҷангӣ ва саҳми арзандаи афсарону аскарони Гвардияи миллӣ дар солҳои аввали Истиқлоли давлатӣ, барқарор намудани сулҳу ваҳдати миллӣ, ҷасорату мардонагии онҳо дар мубориза бар зидди гурӯҳҳои террористӣ ёдовар шуда, иброз гардид, ки Гвардияи миллӣ ниҳоди махсуси низомӣ аст, ки вазифаҳои муҳими давлатиро вобаста ба ҳифзу ҳимояи давстовардҳои Истиқлоли давлатӣ бар уҳда дорад.
Таъкид гардид, ки афсарону аскарони Гвардияи миллӣ бояд бо интизоми қатъӣ, маҳорати баланди касбӣ, малакаву дониши мукаммал, шуҷоату далерӣ, ҳушёриву зиракӣ ва садоқату ҷасорат намунаи ибрат бошанд. Ҳар командир вазифадор аст, ки дар замири аскарон ватандӯстиву ватанпарвариро тарбия намояд ва ба онҳо маҳорату малакаи ҷангӣ омӯзонад.
Дар идомаи ҳамоиши тантанавӣ як гурӯҳ хизматчиёни ҳарбии Гвардияи миллӣ барои хизмати шоиста ва нишондиҳандаҳои баланд дар тайёрии ҷангӣ аз номи Президенти Ҷумҳурии Тоҷикистон бо мукофотҳои давлатӣ ва рутбаҳои навбатии ҳарбӣ сарфароз гардонида шуданд.
Инчунин гурӯҳи дигар аз номи Фармондеҳи Гвардияи миллии Ҷумҳурии Тоҷикистон бо медалҳои ҷашнӣ, Ифтихорнома, рутбаҳои навбатии ҳарбӣ ва сарбозон бо мактуби миннатдорӣ ба волидон сарфароз гардиданд. Ҳамчунин ба ғолибони озмуну мусобиқаҳои фарҳангиву варзишӣ, ки ба ифтихори ҷашни Истиқлолияти давлатӣ ва Рӯзи таъсиси гвардия доир гардид, туҳфаҳои хотиравӣ тақдим шуданд.
Баталиёни қаровули фахрии Гвардияи миллӣ маҳорати ҳарбии худро бо ҳаракатҳои мавзуни низомӣ, яъне платс-консерт бо силоҳи карабин ва як гурӯҳ хизматчиёни ҳарбӣ муҳорибаҳои тан ба танро бо маҳорату қобилияти баланд пешниҳоди ҳозирин намуданд.
Ҷамъомади тантанавӣ бо иҷро намудани суруди ифтихории Горди миллӣ ҷамъбаст гардида, дар охир тибқи анъанаи низомӣ афсарону аскарон таҳти оҳангҳои мутантани Оркестри ҳарбии Гвардияи миллии Ҷумҳурии Тоҷикистон гузашти низомӣ анҷом доданд.
АКС: Гвардияи миллии Ҷумҳурии Тоҷикистон
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
