Дар Донишгоҳи технологии Тоҷикистон татбиқи лоиҳаи TAEETT-и барномаи PECA-и Ташкилоти ҳамкории байналмилалии Олмон баррасӣ шуд
ДУШАНБЕ, 06.09.2024. /АМИТ «Ховар»/. Ректори Донишгоҳи технологии Тоҷикистон бо ҳайати кории лоиҳаи «Интиқоли технологияҳои таълимии аврупоӣ дар соҳаи технологияи истеҳсоли хӯрокворӣ дар Тоҷикистон» (TAEETT)-и барномаи PECA -и Ташкилоти ҳамкории байналмилалии Олмон (GIZ) аз Донишгоҳи аграрии Словакия дар шаҳри Нитра вохӯрӣ намуд. Дар ин хусус ба АМИТ «Ховар» дар Донишгоҳи технологӣ хабар доданд.
Зимни вохӯрӣ масъалаҳои амалӣ намудани мақсаду вазифаҳои лоиҳа, алалхусус арзёбии модулҳои барномаи таълимии ихтисоси «Технологияи шир ва маҳсулоти ширӣ»-и аз ҷониби устодони факултети муҳандисӣ-технологии донишгоҳ таҳиягардида ва ворид намудани онҳо ба барномаҳаи таълимии ихтисосҳои самти технологияи саноати хӯрокворӣ муҳокима гардиданд. Ҳамзамон сатҳи омодагӣ ба баргузории конфронси ҷумҳуриявӣ ва натиҷаҳои бадастомада дар доираи лоиҳа мавриди таваҷҷуҳи хосса қарор гирифт.
Баъд аз вохӯрӣ дар мавзуи «Конференсияи илмию амалии ҷумҳуриявӣ оид ба иқтисодиёт ва технологияҳои «сабз» дар саноати хӯроквории Тоҷикистон» конференсияи ҷумҳуриявӣ баргузор шуд. Конференсия дар ду бахш гузаронида шуда, дар он зиёда аз 10 маърузаи илмӣ аз ҷониби мутахассисони варзидаи хориҷӣ ва донишгоҳу пажуҳишгоҳҳои илмӣ-таҳқиқотии Ҷумҳурии Тоҷикистон баррасӣ шуд.
АКС: Донишгоҳи технологии Тоҷикистон
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
