Дар Душанбе ҷаласаи IХ Шурои байнидавлатии муқовимат ба коррупсияи кишварҳои аъзои ИДМ баргузор шуд
ДУШАНБЕ, 19.09.2024 /АМИТ «Ховар»/. Имрӯз дар шаҳри Душанбе ҷаласаи IХ Шурои байнидавлатии муқовимат ба коррупсияи кишварҳои аъзои Иттиҳоди Давлатҳои Мустақил /ИДМ/ баргузор гардид, иттилоъ медиҳад хабарнигори АМИТ «Ховар».
Дар ҷаласаи IХ Шурои байнидавлатии муқовимат ба коррупсияи кишварҳои аъзои Иттиҳоди Давлатҳои Мустақил прокурори генералӣ ва директори Хадамоти федералии мониторинги молиявии Федератсияи Русия, прокурори генералии Ҷумҳурии Қирғизистон, муовини прокурори генералӣ ва директори Департаменти тафтишоти молиявии Ҷумҳурии Беларус, Директори Агентии Ҷумҳурии Қазоқистон оид ба муқовимат ба коррупсия, Директори Агентии муқовимат ба коррупсияи Ҷумҳурии Узбекистон, муовини котиби генералии Кумитаи иҷроияи Иттиҳоди Давлатҳои Мустақил /ИДМ/ ва роҳбарияти Агентии назорати давлатии молиявӣ ва мубориза бо коррупсияи Ҷумҳурии Тоҷикистон иштирок намуданд.
Ҷаласаро Прокурори генералии Федератсияи Русия Игор Краснов оғоз намуд. Бо қарори марбута узви Шуро- директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода раиси ҷаласаи Шурои байнидавлатии муқовимат ба коррупсия барои солҳои 2024-2025 таъйин карда шуд.
Ҷаласаи 9-уми Шурои байнидавлатии муқовимат ба коррупсияи кишварҳои аъзои Иттиҳоди Давлатҳои Мустақил таҳти раёсати директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода идома ёфта, дар он роҳбарияти Агентӣ вобаста ба таҷрибаи Ҷумҳурии Тоҷикистон дар самти муқовимат ба коррупсия сухан намуд.
Дар идомаи кори ҷаласа ҷараёни иҷрои қарорҳои қаблии Шуро, чораҳои самарабахши муқовимат ба коррупсия ва равишҳои умумӣ оид ба ҳамкории байналмилалӣ дар самти мубориза бо коррупсия баррасӣ гардид. Ҳамчунин байни роҳбарони аввали мақомоти аъзои Шуро доир ба корҳои анҷомдода табодули афкор доир шуд.
Дар ҷаласа барои фаъолияти Шурои байнидавлатии муқовимат ба коррупсия дар соли 2025 қарорҳои дахлдор қабул карда шуда, барои таъмини иҷро ба аъзои шуро ирсол гардид.
Дар маҷмуъ, ҷаласаи Шурои IХ байнидавлатии муқовимат ба коррупсияи кишварҳои аъзои Иттиҳоди Давлатҳои Мустақил дар сатҳи баланд ва фазои ҳамдигарфаҳмӣ доир гардид. Умед аст, ки қарорҳои дар он қабулшуда барои тақвияти ҳамкорӣ ва пурзӯр намудани муқовимат бар зидди коррупсия заминаи мусоид мегузоранд.
АКС: АМИТ «Ховар»
Дар Форуми дуюми байналмилалии сармоягузории Озарбойҷон имконоти сармоягузории Тоҷикистон муаррифӣ карда шуд
Ҷалби сармояи Британияи Кабир ба соҳаҳои афзалиятноки иқтисоди Тоҷикистон баррасӣ гардид
Дар ҷаласаи Шуро оид ба авиатсия ва истифодаи фазои ҳавоӣ рушди ҳамкории байнидавлатӣ дар соҳаи авиатсияи гражданӣ баррасӣ шуд
Дар Урумчӣ масъалаҳои тавсеаи ҳамкории тиҷоратию иқтисодии Тоҷикистон ва Синзян баррасӣ шуданд
Дар Душанбе масъалаҳои идоракунии муосири таваккал дар фаъолияти гумрукӣ баррасӣ шуданд
Масоили табодули таҷриба ва омӯзиши мутахассисони тоҷик дар озмоишгоҳҳои Институти байтории Италия баррасӣ гардид
Байни мақомоти гумруки Тоҷикистон ва Русия Протокол ба имзо расонида шуд
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
