Дар ноҳияи Шоҳмансури шаҳри Душанбе бинои шуъбаи таваллудхона ба истифода дода шуд
ДУШАНБЕ, 07.09.2024. /АМИТ «Ховар»/. Дар доираи истиқбол аз ҷашни фархундаи миллат- 33-солагии Истиқлолияти давлатии Ҷумҳурии Тоҷикистон бо иштироки муовини Раиси шаҳри Душанбе Сорбон Холмаҳмадзода дар маҳаллаи «Қуштеппа 3»-и ноҳияи Шоҳмансур бинои 2-ошёнаи шуъбаи таваллудхона бо тарҳи наву замонавӣ мавриди истифода қарор дода шуд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Душанбе хабар доданд.
Бинои шуъбаи таваллудхона бо иқдоми мардони саховатпеша ва ҳимматбаланди маҳаллаи ноҳияи Шоҳмансур сохта шуда, дар арафаи ҷашни Истиқлолияти давлатӣ ба сокинон туҳфа гардид.
Барои беҳтар намудани хизматрасонии тиббӣ ба аҳолӣ ин таваллудхона аз ҷониби Ҷамъияти дорои масъулияти маҳдуди «Покиза» бунёд гардида, аз 2 ошёна ва 18 ҳуҷраи хизматрасонӣ иборат аст. Дар он 18 табиби соҳибтаҷриба 24 соат ба аҳолӣ хизмати тиббӣ мерасонанд.
Иттилоъ дода шуд, ки бино бо таҷҳизоти тиббӣ ва маишӣ барои ҳуҷраҳои табобатӣ муҷаҳҳаз гардонида шудааст.
Иншоот ба системаи гармидиҳии муосир насб гардида, ҳам ба воситаи қувваи барқ ва ҳам бо ангиштсангу сӯзишворӣ гармии ҳуҷраҳоро дар ҳолати муътадил таъмин менамояд.
АКС: Мақомоти иҷроияи ҳокимияти давлатии шаҳри Душанбе
Сарвари давлат Эмомалӣ Раҳмон қисми минтақавии Раёсати Вазорати корҳои дохилии Ҷумҳурии Тоҷикистон дар вилояти Хатлон оид ба гурӯҳи ноҳияҳои Кӯлобро ифтитоҳ намуданд
Пешвои миллат Эмомалӣ Раҳмон бинои Раёсати ҳифзи муҳити зист дар минтақаи Кӯлобро мавриди истифода қарор доданд
Сарвари давлат Эмомалӣ Раҳмон сафари корӣ ба шаҳри Кӯлоб ташриф оварданд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар шаҳри Панҷакент сохтмони иншооти иҷтимоӣ вусъат меёбад
Пешвои миллат Эмомалӣ Раҳмон дар ноҳияи Восеъ ба фаъолияти Маркази таълимӣ ва забономӯзии «Ориё» расман оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ боғчаи бачагонаи «Маҳдия»-ро ба истифода супориданд
Сарвари давлат Эмомалӣ Раҳмон дар ноҳияи Восеъ ба таври фосилавӣ 20 иншооти таъиноташон гуногун ва 70 километр роҳҳои маҳаллиро мавриди баҳрабардорӣ қарор доданд
Пешвои миллат Эмомалӣ Раҳмон дар ноҳияи Восеъ бинои Меҳмонхона ва Маркази хизматрасонии «Эҳсон»-ро ба истифода доданд
Дар шаҳри Москва 35-солагии Истиқлоли давлатии Тоҷикистон таҷлил намуданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ бинои Беморхонаи хусусии «Тибби Ҳулбук»-ро мавриди истифода қарор доданд
Сарвари давлат Эмомалӣ Раҳмон бо сафари корӣ ба ноҳияи Восеъ ташриф оварданд
