Дар ноҳияи Ёвон бинои иловагии муассисаи таълимӣ ва маркази саломатӣ ба истифода дода шуд

Сентябрь 7, 2024 18:11

ЁВОН, 07.09.2024. /АМИТ «Ховар»/. Дар пайравӣ ба сиёсати маорифпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бахшида ба ҷашни 33-солагии Истиқлолияти давлатӣ бинои иловагии Муассисаи таҳсилоти миёнаи умумии рақами 47-и деҳаи Ҳамзаи ҷамоати шаҳраки Ҳаёти Нави ноҳияи Ёвон ба истифода дода шуд. Дар ин хусус масъулини Мақомоти иҷроияи ҳокимияти давлатии ноҳияи Ёвон ба хабарнигори минтақавии  АМИТ «Ховар» Субҳониддини Маҳмуд иттилоъ доданд.

Зимни ифтитоҳи бино Раиси ноҳияи Ёвон Бахтиёр Шарифӣ, директори Агентии содироти назди Ҳукумати Ҷумҳурии Тоҷикистон Баҳриддин Сироҷиддинзода ва роҳбарони мақомоти ҳифзи ҳуқуқи ноҳия бо хонандагон суҳбати самимӣ анҷом дода, онҳоро ба донишомӯзӣ, дӯст доштани Ватан ва ҳимояи он даъват намуданд.

Бинои иловагии муассисаи таълимӣ аз 3 синфхона, як утоқи корӣ ва китобхона иборат буда, бо дастгирии мақомоти иҷроияи ҳокимияти давлатии ноҳия ва саҳми сокинони маҳал сохта шудааст.

Аз ҷониби раиси ноҳия ба муассиса ду дастгоҳи  сардкунӣ (кондитсионер) ва ба якчанд нафар хонандагон аз оилаҳои камбизоат ва ниёзманд сару либоси мактаби ва дигар туҳфаҳои хотиравӣ тақдим карда шуд.

Дар арафаи 33-солагии Истиқлоли давлатӣ дар ноҳияи Ёвон инчунин бинои маркази саломатии деҳот ва майдончаҳои варзишӣ, синфхонаҳои иловагӣ ва дигар иншооти муҳими хизматрасонӣ ба истифода дода шуда,  дар ҷамоатҳои шаҳраку деҳот роҳҳои маҳаллӣ мумфарш карда шуданд.

АКС: Мақомоти иҷроияи ҳокимияти давлатии ноҳияи Ёвон

Сентябрь 7, 2024 18:11

Хабарҳои дигари ин бахш

Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
Ба сохтмони бинои нави Коллеҷи омори шаҳри Ваҳдат санги асос гузошта шуд
Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд
Сарвари давлат Эмомалӣ Раҳмон дар шаҳри Душанбе ҶДММ «Зари Душанбе»-ро ифтитоҳ намуданд
Пешвои миллат Эмомалӣ Раҳмон бинои шуъбаи Бозрасии давлатии автомобилии раёсати ВКД дар шаҳри Душанберо ифтитоҳ намуданд
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
Дар шаҳри Ҳисор Мактаби бачагонаи санъат ва майдончаи варзишӣ ба истифода дода шуданд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст