Даври ҷумҳуриявии мусобиқаи футболи хурд барои дарёфти «Ҷоми Ҳизби Халқии Демократии Тоҷикистон» оғоз гардид
ДУШАНБЕ, 06.09.2024. /АМИТ «Ховар»/. Дар доираи нақшаи чорабиниҳои ҷашнии Кумитаи Иҷроияи Марказии Ҳизби Халқии Демократии Тоҷикистон бахшида ба 30 – солагии таъсиси Ҳизби Халқии Демократии Тоҷикистон дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федеретсияи футболи Тоҷикистон мусобиқаи футболи хурд барои дарёфти «Ҷоми Ҳизби Халқии Демократии Тоҷикистон» байни дастаҳои футболи ғайрикасбии шаҳру ноҳияҳои мамлакат доир гардид. Дар ин хусус ба АМИТ «Ховар» дар Кумитаи иҷроияи марказии Ҳизби Халқии Демократии Тоҷикистон хабар доданд.
Мусобиқа оид ба футболи хурд барои дарёфти «Ҷоми Ҳизби Халқии Демократии Тоҷикистон» бо мақсади тарғиби тарзи ҳаёти солим, ҷалби шаҳрвандони мамлакат ба машғулияти тарбияи ҷисмонӣ ва варзиш, ташвиқу тарғиби васеи бозии футбол дар байни аҳолии мамлакат, таъмини иҷрои «Барномаи махсуси Президенти Федератсияи футболи Тоҷикистон дар бораи рушди футбол дар деҳоти Ҷумҳурии Тоҷикистон барои солҳои 2021-2024» ва муайян намудани беҳтарин дастаи футболи шаҳру ноҳияҳои мамлакат маҳсуб мешавад.
Бо мақсади дар сатҳи баланд доир намудани мусобиқа марҳилаи интихобӣ аз сатҳи маҳаллаву деҳа, марҳилаи дуюм дар сатҳи ҷамоатҳои шаҳраку деҳот, марҳилаи сеюм дар сатҳи шаҳру ноҳияҳо ва вилоятҳо тибқи талаботи Низомнома баргузор гардид.
Иттилоъ медиҳем, ки ғолибони ҳамаи марҳилаҳои интихобӣ аз ҷониби кумитаҳои иҷроияи Ҳизби Халқии Демократии Тоҷикистон дар вилоятҳо ва шаҳру ноҳияҳои мамлакат бо диплом, медалу туҳфаҳои арзишманди хотиравӣ қадрдонӣ карда шуданд.
Ба даври ҷумҳуриявии мусобиқаи футболи хурд барои дарёфти «Ҷоми Ҳизби Халқии Демократии Тоҷикистон» 8 дастаи ғайрикасбӣ аз ҷумла, аз шаҳри Душанбе, Хатлон – 1, Хатлон — 2, ВМКБ, Суғд, Ҳисор, Рашт ва НБО «Роғун» роҳхат пайдо намуданд.
Даври ҷумҳуриявии мусобиқа дар арафаи таҷлили ҷашни пуршукуҳи 33 – солагии Истиқлоли давлатии Ҷумҳурии Тоҷикистон дар Маҷмааи варзишии Донишгоҳи миллии Тоҷикистон мегузарад.
АКС аз манбаъҳои боз
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
