ФУТБОЛ. Дастаи мунтахаби ҷавонони Тоҷикистон (U-20) ба марҳилаи интихобии Ҷоми Осиё-2025 омодагӣ мебинад
ДУШАНБЕ, 21.09.2024 /АМИТ «Ховар»/. Дастаи мунтахаби ҷавонони Тоҷикистон (U-20) оид ба футбол ба марҳилаи интихобии Ҷоми Осиё-2025, ки аз 21 то 29 сентябр дар Душанбе баргузор мешавад, омодагӣ мегирад. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Сармураббии дастаи мунтахаби ҷавонони Тоҷикистон мутахассиси словенӣ Милош Костич ба ҷамъомади охирини таълимиву тамринии пеш аз марҳилаи интихобии Ҷоми Осиё-2025 26 бозигарро даъват кард, ки аз ин шумора 23 бозигар – 4 дарвозабон, 8 ҳимоятгар, 8 нимҳимоятгар ва 4 ҳамлагар ба ҳайати ниҳоӣ роҳ ёфт. Ба далели баргузор нагаштани марҳилаи интихобӣ дар рӯзҳои ФИФА бархе аз легионерон наметавонанд дар ин мусобиқа дар ҳайати мунтахаби ҷавонон бозӣ кунанд.
Бояд гуфт, ки дар марҳилаи интихобии Ҷоми Осиё-2025 дастаи мунтахаби ҷавонони Тоҷикистон (U-20) вориди гурӯҳи «Е» буда, бо дастаҳои Шри-Ланка (23 сентябр), Кореяи Шимолӣ (25 сентябр), Малайзия (27 сентябр) ва Уммон (29 сентябр) рақобат менамояд. Ҳамаи бозиҳо дар Варзишгоҳи марказии Душанбе баргузор мешаванд.
Бар асоси натиҷаҳои марҳилаи интихобӣ ғолибони 10 гурӯҳ ва панҷ дастаи беҳтарини зинаи дуюм ба қисми ниҳоии Ҷоми Осиё-2025 байни ҷавонон роҳхат мегиранд.
Марҳилаи ниҳоии Ҷоми Осиё-2025 байни дастаҳои ҷавонони то 20-сола аз 6 то 23 феврал дар Чин баргузор мешавад.
АКС: Федератсияи футболи Тоҷикистон
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
