Мусобиқаи XIV байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» ҷамъбаст шуд
ДУШАНБЕ, 07.09.2024. /АМИТ «Ховар»/. 6 сентябр дар шаҳри Душанбе Мусобиқаи XIV байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон», ки бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон доир гардид, натиҷагирӣ ва ғолибон муайян шуданд. Дар ин хусус ба АМИТ «Ховар» дар Кумитаи кор бо ҷавонон ва варзиш хабар доданд.
Давоми 5 рӯзи рақобат дар сабқати инфиродӣ дар Мусобиқаи XIV байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» байни наврасони то 16-сола варзишгарони Тоҷикистон тавонистанд ҷойҳои ифтихориро сазовор шаванд.
Ғолибони Мусобиқаи XIV байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» дар байни духтарони то 16 сола (инфиродӣ) аз Тоҷикистон Аниса Яҳёева сазовори ҷои аввал ва Сайёра Раҷабалиева мақоми дувумро соҳиб гардиданд. Дар байни писарони то 16-сола (инфиродӣ) варзишгари тоҷик Сомон Амонов сазовори медали тилло гардид.
Ёдовар мешавем, ки аз 2 то 6 сентябри соли 2024 дар Қасри тенниси шаҳри Душанбе Мусобиқаи XIV байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» байни наврасони то 16–сола дар сатҳи баланд баргузор гардид.
Дар мусобиқа 64 варзишгар аз 13 давлат иштирок ва байни ҳам рақобат намуданд, аз ҷумла аз Ҷумҳурии Мардумии Чин, Федератсияи Русия, Ҳиндустон, Эрон, Руминия, Кореяи Ҷанубӣ, Тоҷикистон, Узбекистон, Қирғизистон, Қазоқистон, Туркманистон ва Тайланд.
Нахустин Мусобиқаи байналмилалӣ оид ба теннис байни наврасон барои дарёфти Ҷоми Президенти Ҷумҳурии Тоҷикистон соли 2005 доир шуда, соли 2021 мусобиқа ба тақвими мусобиқоти Федератсияи байналмилалии теннис ворид гардид.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
