Наҷотбахшони давлатҳои аъзои Созмони Аҳдномаи амнияти дастҷамъӣ дар Қазоқистон машқҳои муштараки тактикӣ гузарониданд
ДУШАНБЕ, 08.09.2024. /АМИТ «Ховар»/. Наҷотбахшони Ҷумҳурии Тоҷикистон, Беларус, Қазоқистон, Қирғизистон ва Федератсияи Русия дар Ҷумҳурии Қазоқистон машқҳои муштараки тактикӣ ва махсуси «Сахра-2024»-ро дар самти пешгирӣ ва рафъи оқибатҳои ҳолатҳои фавқулодаи давлатҳои аъзои Созмони Аҳдномаи амнияти дастҷамъӣ доир намуданд. Дар ин хусус ба АМИТ «Ховар» дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар доданд.
Наҷотдиҳандагон бо истифода аз ҳавопаймоҳо иктишофи минтақаи зилзиларо анҷом дода, дастаҳои наҷотбахши таъйиноти махсусро бо кинологҳо ба замин фуруд оварданд. Амалиёти наҷотро дар минтақаи харобшавии иншооти сохтмонӣ дар шароити олудашавии кимиёвии минтақа ва безараргардонии он анҷом доданд.
Ҳамчунин чорабиниҳои муштарак оид ба хомӯш кардани сӯхтор ва анҷом додани корҳои наҷотдиҳӣ ва садамавӣ дар нақлиёти роҳи оҳан, расонидани ёрии аввалини тиббӣ ба осебдидагон, ҷойгир ва ташкили кори бошишгоҳи саҳроӣ барои аҳолии зарардида ва лабораторияи кимиёвии саҳроӣ таҳия карда шуданд.
Ба корҳои ёрирасон воҳидҳои оташнишонӣ ва наҷот, ҳавопаймоҳои наҷот, як ҳавопаймои бесарнишини навъи чархбол ва таҷҳизоти роботӣ ҷалб карда шуданд.
Дар ин тамринҳо наҷотдиҳандагони давлатҳои аъзои Созмони Аҳдномаи амнияти дастҷаъӣ на танҳо малакаҳои амалиро дар рафъи оқибатҳои заминларзаи харобиовар такмил доданд, балки дар самти баргузории корҳои ёрирасон табодули таҷриба карданд.
Машқҳои воҳидҳои наҷотбахши панҷ давлат нишон доданд, ки неруҳои муштарак қодир ҳастанд барои рафъи ҳолатҳои фавқулодда муваффақона ҳамкорӣ кунанд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Эмомалӣ Раҳмон: Сиву панҷ сол барои таърих лаҳзаест, вале барои миллати тоҷик давраи сарнавиштсоз ба ҳисоб меравад
Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ оғоз мегардад
ИМРӮЗ ДАР ТОҶИКИСТОН НАВРӮЗ ФАРО МЕРАСАД! Он оғози баҳор, рамзи тавозун ва низоми дақиқи коинот ба шумор меравад
Фестивали дуюми ҷаҳонии «Наврӯзи ҷавонон» ва Форуми ҷавонони давлатҳои аъзои СҲШ доир мешавад
АНДАР ШИНОХТИ НАВРӮЗ. Мулоҳизаҳои академик Фарҳод Раҳимӣ дар бораи аҳамияти ин ҷашни бостонӣ
Эмомалӣ Раҳмон: «Соҳиби илму маърифат будан яке аз фазилатҳои бузурги инсонӣ аст»
Эмомалӣ Раҳмон: «Риояи сарфаю сариштакорӣ одоби баргузории ҳар гуна иду маросим мебошад»
Эмомалӣ Раҳмон: «Иди Фитр, ҷашни Наврӯз ва дигар ойинҳои милливу эътиқодӣ маҳз ба шарофати Истиқлоли давлатӣ эҳё гардиданд»
«ҶАМЪИЯТИ СОЛИМ». Дар Федератсияи Русия форуми соҳаи тандурустӣ доир шуд
НАВРӮЗ — ТАРОНАИ ОҒОЗИ СОЛ. Ойину суннатҳои наврӯзӣ ҳамсони ин ҷашн таърихи куҳан доранд
НАҚШИ ЗАНОН ДАР ЭҲЁИ СУННАТҲОИ НАВРӮЗӢ. Таҳти ин унвон форуми байналмилалӣ доир мешавад
