Президенти мамлакат Эмомалӣ Раҳмон дар ноҳияи Тоҷикобод бинои Ҷамоати деҳоти «Зарафшон»-ро ифтитоҳ намуданд
ДУШАНБЕ, 12.09.2024 /АМИТ «Ховар»/. Сафари кории Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ноҳияи Тоҷикобод аз ифтитоҳи бинои нави маъмурии Ҷамоати деҳоти «Зарафшон» оғоз гардид.
Иншооти навбунёд дар заминаи дастгириҳои ҳамешагии Ҳукумати Ҷумҳурии Тоҷикистон ба истиқболи ҷашни бузургу муқаддаси миллӣ, 35-солагии Истиқлоли давлатии Ҷумҳурии Тоҷикистон сохта шудааст.
Президенти кишвар муҳтарам Эмомалӣ Раҳмон ифтитоҳи бинои навро дар рӯзҳои таҷлили сазовор аз ҷашни бузурги миллӣ — солгарди навбатии Истиқлоли давлатии Ҷумҳурии Тоҷикистон ба кормандони деҳоти “Зарафшон”- и ноҳияи Тоҷикобод, табрику таҳният гуфтанд.
Бинои ҷамоат аз ду ошёна иборат буда, дорои 7 ҳуҷраи кории барҳаво ва як маҷлисгоҳ мебошад.
Масоҳати иншоот 141,36 метри мураббаъро ташкил дода, бо харҷи 1 миллиону 500 ҳазор сомонӣ қомат афрохтааст.
Ҳуҷраҳои кории бино бо мизу курсӣ, ҷевон, компютер ва дигар ҷиҳози зурурӣ барои пешбурди фаъолият ва расонидани хизмати баландсифат ба аҳолӣ муҷаҳаз мебошанд.
Дар дохил ва беруни бино унсурҳои меъмории миллӣ ва сохтмонии муосир истифода шудааст.
Корҳои сохтмонӣ дар иншоот соли 2021 оғоз гардида, бо ҷалби бинокорони маҳаллӣ бо сифати баланд ва ҷавобгӯ ба меъёрҳои меъморӣ ба истифода дода шуд.
Саҳни биноро гулҳои мавсимӣ ва сабзкорӣ зебу зиннат мебахшад.
Аҳолии Ҷамоати деҳоти “Зарафшон” наздики 6300 нафарро ташкил дода, дар ҳудуди он 2 муассисаи таҳсилоти миёнаи умумӣ ва як муассисаи ибтидоӣ фаъолият мекунад.
Дар деҳоти Зарафшони ноҳияи Тоҷикобод панҷ деҳа — Зафаробод, Шинг, Гулистон, Шаҳристон ва Сафедорон мавҷуд аст.
Президенти кишвар муҳтарам Эмомалӣ Раҳмон баъди шиносоӣ бо шароити корӣ дар иншооти нав кормандони деҳоти мазкурро вазифадор намуданд, ки дар асоси қонунҳои амалкунандаи Ҷумҳурии Тоҷикистон фаъолият намуда, ба мардум софдилона ва баландсифату саривақт хизмат расонанд.
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Қазоқистон Қосим-Жомарт Токаев барқияи изҳори тасаллӣ ирсол намуданд
Дар ноҳияи Спитамен иншооти таъйиноти гуногун мавриди истифода қарор дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
