Рӯзи дониш рамзи арҷгузорӣ ба илм, хирад ва маърифатпарварӣ мебошад
ДУШАНБЕ, 02.09.2024. /АМИТ «Ховар»/. Бахшида ба оғози соли нави таҳсил дар Донишгоҳи давлатии ҳуқуқ, бизнес ва сиёсати Тоҷикистон ҷамъомади идона доир гардид. Дар ин хусус ба АМИТ «Ховар» дар шуъбаи таҳлил ва робита бо ҷомеаи донишгоҳ иттилоъ доданд.
Ректори донишгоҳ, доктори илмҳои иқтисодӣ Ҳомид Ҳошимзода аз суханронии Президенти Тоҷикистон муҳтарам Эмомалӣ Раҳмон бахшида ба Рӯзи дониш, ки 1 сентябр зимни ифтитоҳи бинои навбунёди муассисаи таҳсилоти умумии рақами 19-и шаҳри Душанбе, ки яке аз калонтарин муассисаҳои таълимӣ дар пойтахти мамлакат ба шумор рафта, дар он беҳтарин шароити илму донишомӯзӣ муҳайё карда шудааст, чунин иқтибос овард:
«Дар даврони истиқлоли давлатӣ дар оғози соли таҳсил таҷлил намудани Рӯзи дониш ва Дарси сулҳ дар ҳамаи зинаҳои таҳсилоти низоми маорифи мамлакат ба яке аз анъанаҳои неки умумимиллӣ дар Тоҷикистон табдил ёфтааст. Якуми сентябри ҳар сол садҳо ҳазор кӯдакони хушбахти замони истиқлол аввалин маротиба ба остонаи муассисаҳои таълимӣ қадам мегузоранд ва ба омӯзиши саводу дониш, одобу ахлоқ ва илму маърифат оғоз менамоянд.
Ин лаҳзаҳо барои тамоми хонандагону донишҷӯён, омӯзгорон ва аҳли илму маорифи мамлакат, бахусус 250 ҳазор кӯдаконе, ки имрӯз дар фазои истиқлолу озодӣ, сулҳу суботи комил ва умеду орзуҳои зиёд ба муассисаҳои таълимӣ қадами нахустин гузоштаанд, хотирмону фараҳбахш мебошанд».
Дар ҳамоиши идона иброз гардид, ки имсол Рӯзи дониш ва Дарси сулҳ дар фазои бошукуҳи идонаи таҷлили некутарин ва муқаддастарин ҷашни миллӣ ва давлатӣ- 33-солагии Истиқлоли давлатии Тоҷикистон таҷлил мешавад.
Ҳамасола бо иштироки Президенти Ҷумҳурии Тоҷикистон муҳтарам Эмомалӣ Раҳмон баргузор шудани Рӯзи дониш рамзи арҷгузорӣ ба илму дониш маҳсуб шуда, ин падидаи нек ба сӯи хираду маърифатпарварӣ ҳидоят менамояд.
Дар хатми ҳамоиш ба донишҷӯёни соли аввал, ки соҳиби холҳои баландтарини Маркази миллии тестӣ гардида, ба Донишгоҳи давлатии ҳуқуқ, бизнес ва сиёсати Тоҷикистон дохил шудаанд, Сипоснома тақдим гардид.
АКС: Донишгоҳи давлатии ҳуқуқ, бизнес ва сиёсати Тоҷикистон
Бахшида ба Рӯзи омӯзгорон 377 нафар собиқадорону кормандони маорифи ноҳияи Сино қадрдонӣ шуданд
Саида Ғаффорова: «Таваҷҷуҳи Ҳукумати Тоҷикистон ва дастгирии Сарвари давлат мо, омӯзгоронро рӯҳбаланд ва ба касбамон дилгарм месозад»
ДАР РАҲИ МАЪНӢ РАФИҚЕ БЕҲТАР АЗ УСТОД НЕСТ. Эҳдо ба Рӯзи омӯзгорон
«ПЕШАИ ОМӮЗГОРӢ МУҚАДДАСТАРИН КАСБИ РӮИ ОЛАМ АСТ». Иқтибос аз суханронии Президенти Тоҷикистон муҳтарам Эмомалӣ Раҳмон
Дар Маркази кӯдакон ва наврасони шаҳри Душанбе бахшида ба Рӯзи омӯзгорон ҳамоиши идона доир шуд
Дар Донишгоҳи байналмилалии сайёҳӣ ва соҳибкории Тоҷикистон Рӯзи забони давлатӣ ва Рӯзи омӯзгорон таҷлил гардид
Дар Донишгоҳи миллии Тоҷикистон бахшида ба Рӯзи забони давлатӣ ҳамоиши илмӣ-назариявӣ доир шуд
Бо иқдоми Раиси шаҳри Душанбе ба 142 нафар мураббиён ва омӯзгорони пойтахт мукофоти пулӣ дар ҳаҷми 3000 сомонӣ дода шуд
Бахшида ба Рӯзи забони давлатӣ ва Рӯзи омӯзгорон дар Донишгоҳи техникии Тоҷикистон ҳамоиши тантанавӣ доир шуд
ЗАБОН- НИШОНАИ МИЛЛАТ. Дар Донишгоҳи давлатии Бохтар бахшида ба Рӯзи забони давлатӣ конференсия доир шуд
5 октябр дар шаҳри Душанбе бахшида ба Рӯзи омӯзгорон ҳамоиши тантанавӣ баргузор мегардад
Дар Донишгоҳи технологӣ вобаста ба омӯзиши забонҳои хориҷӣ дар партави паёмҳои Президенти Тоҷикистон ҷаласаи васеи омӯзгорон доир шуд
