Сарвари давлат Эмомалӣ Раҳмон дар ноҳияи Мир Сайид Алии Ҳамадонӣ ба фаъолияти Ҳавзи обсофкунӣ оғоз бахшиданд

Сентябрь 5, 2024 10:58

ДУШАНБЕ, 05.09.2024 /АМИТ «Ховар»/. 5 сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо пахши тугмаи рамзӣ ба фаъолияти Ҳавзи обсофкунӣ дар ноҳияи Мир Сайид Алии Ҳамадонӣ оғоз бахшиданд.

Иттилоъ дода шуд, ки ҳавзи мазкур бо мақсади баланд бардоштани некуаҳволии сокинон бо роҳи беҳсозии идоракунии низоми обёрии хоҷагиҳо дар ҳавзаи дарёи Панҷ, дар минтақаи гурӯҳи ноҳияҳои Фархору Ҳамадонӣ ва Восеъ сохта шуд.

Аз нуқтаи назари ҷуғрофӣ ноҳияи Ҳамадонӣ дар минтақаи пасттар аз сатҳи маҷрои дарёи Панҷ ҷойгир аст ва аз ин сабаб мавзеи мазкур қаблан борҳо аз боришоту обхезӣ хисорот дидааст. Бояд гуфт, ки дарёи Панҷ яке аз дарёҳои серлойи ин минтақа ба ҳисоб меравад ва он сарчашмаи обгирии сарҷӯи “Чубек” мебошад. Ҳамасола аз дарёи Панҷ ба сарҷӯи “Чубек” ба миқдори 700 ҳазор метри мукааб ҷинсҳои омехтаи обовард ворид гашта, ҷӯйҳои обёрикунандаро пур мекунад. Ҳамасола мардум бо заҳмат ва харҷи зиёд ҷӯю ҷӯйчаҳоро аз ҷинсҳои обовард тоза мекунанд. Аз ин рӯ, моҳи июли соли 2020 дар доираи лоиҳаи «Идоракунии захираҳои об дар ҳавзаи дарёи Панҷ» масъалаи рафъи таъсири хатарҳои эҳтимолии табиӣ барои аҳолӣ ба миён гузошта шуд.

Лоиҳаи мазкур бо ташаббуси Ҳукумати Ҷумҳурии Тоҷикистон дар ҳамкорӣ бо шарикони рушд, аз ҷумла  Бонки Осиёии Рушд татбиқ гардид.

Паймонкори лоиҳа ҶСК «ТГЭМ» буда, бо ҷалби беш аз 400 нафар муҳандисону мутахассисони маҳаллӣ сохтмони обанбори обсофкунии навъи кӯл дар ноҳияи Ҳамдониро бо сифати баланд ба иҷро расониданд.

Дар доираи амалишавии лоиҳа сохтмони обанбор, мустаҳкамнамоии соҳили минтақа ва инчунин, навсозии пойгоҳи обкашӣ анҷом дода шуд.

Корҳои сохтмонӣ дар ин иншоот аз 1 октябри соли 2020 оғоз гардида,  корҳои сохтмонӣ то 30 марти соли 2023 ба анҷом расонида шуд.

Иттилоъ дода шуд, ки Чубек дар байни шабакаҳои обёрии ҳавзаи дарёи Панҷ калонтарин буда, масоҳаташ 50 ҳазору 160 гектарро ташкил медиҳад.

Азбаски дар ин минтақа соҳаи кишоварзӣ асоси таракққиёти иқтисодӣ мебошад, бунёди иншооти мазкур натанҳо аҳаммияти иқтисодӣ, балки иҷтимоӣ низ дорад, зеро он бештар аз 60 дарсади аҳолиро бо кор таъмин мекунад.

Дар сохтмони иншоот беш аз 80 техникаву механизми гуногун истифода шудааст.

Муҳандисону бинокорон барои солиёни дароз хизмат намудани иншооти обтаъминкунӣ корҳои сохтмониро бо сифати баланд анҷом додаанд.

Дар доираи лоиҳа ҳамчунин 2 пули мошингузар сохта шуда, ҷиҳати бо барқ таъмин намудани иншоот ба масофаи зиёда аз 12 километр хатти интиқоли барқ кашида шуда, 2 трансформатори 100 киловолта насб гардидааст.

Ифтитоҳи ҳавзи обсофкунӣ дар ноҳияи Мир Сайид Алии Ҳамадонӣ 05.09.2024

Сентябрь 5, 2024 10:58

Хабарҳои дигари ин бахш

Идомаи табрикоти роҳбарони кишварҳои хориҷӣ ба Президенти Ҷумҳурии Тоҷикистон ба муносибати ҷашни истиқлоли давлатии Ҷумҳурии Тоҷикистон
ИСТИҚЛОЛИЯТИ ДАВЛАТӢ — ПОЙДЕВОРИ АРТИШИ МИЛЛӢ. Ба ифтихори 34-солагии Истиқлолияти давлатии Ҷумҳурии Тоҷикистон
Паёми шодбошии Президенти Ҷумҳурии Тоҷикистон, Пешвои миллат Эмомалӣ Раҳмон ба муносибати 34-солагии истиқлоли давлатӣ
Дар давраи соҳибистиқлолии Тоҷикистон фанҳои табиию риёзӣ бештар рушд намуданд
Дар Панҷакент бинои маъмурии Раёсати Агентии суғуртаи иҷтимоӣ ва нафақа сохта мешавад
МАОРИФ ВА ИСТИҚЛОЛИ ДАВЛАТӢ. Музди меҳнати кормандони ин соҳа давра ба давра беш аз 20 баробар зиёд карда шуд
Истиқлоли давлатӣ ба миллати тоҷик имконият дод дар интихоби роҳи рушд мустақил бошад
Дар даврони истиқлоли миллӣ моҳияти ҳақиқии оилаи суннатии тоҷик ҳамчун рукни муқаддасу арзишманд эътироф гардид
Бо дастури Пешвои миллат Эмомалӣ Раҳмон ба мардуми аз заминларза зарардидаи Афғонистон кумаки башардӯстона фиристода шуд
Сиëсати давлатии соҳаи истеҳсолоти иҷро дар замони соҳибистиқлолӣ ташаккул ëфт
ИСТИҚЛОЛИ ДАВЛАТИИ ТОҶИКИСТОН. Нигоҳе ба заминаи асосии рушд ва пешрафти соҳаи роҳу нақлиёт дар ин давра
35-СОЛАГИИ ИСТИҚЛОЛИ ДАВЛАТӢ. Дар Хуҷанд 1000 иншоот ба истифода дода шудааст