Дар Тоҷикистон нақшаи идоракунии гӯсфанди кӯҳии Марко Поло таҳия мегардад
ДУШАНБЕ, 18.10.2024 /АМИТ «Ховар»/. Дар шаҳри Душанбе оид ба таҳияи нақшаи идоракунии гӯсфанди кӯҳии Марко Поло (архар) дар Ҷумҳурии Тоҷикистон барои солҳои 2024-2034 машварати байналмилалӣ баргузор гардид, иттилоъ медиҳад АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон.
Вобаста ба муҳиммият ва ҳифзи гӯсфанди кӯҳии Марко Поло намояндаи Ассотсиатсияи шикорчиёни Тоҷикистон бо рӯнамо баромад намуд. Ҳамзамон мутахассисони соҳа оид ба таҳияи нақшаи идоракунии гӯсфанди кӯҳии Марко Поло дар Ҷумҳурии Тоҷикистон табодули назар намуданд.
Мавзеи сукунати гӯсфанди Марко Поло дар Тоҷикистон Помири Шарқӣ – Мурғоб, қаторкӯҳҳои Музкол, Пшарт, Аличури Ҷанубӣ ва Шимолӣ, Вахон, Сарикӯл, Зулумарт ва Пасиолой буда, инчунин дар давраи кӯчиш онҳо муваққатан ба баъзе ҳудудҳои Шуғнон, Ишкошим, Рӯшон ворид шуда, боз ба Мурғоб бармегарданд.
Гӯсфанди Марко Поло асосан дар баландии 3400 метр аз сатҳи баҳр сукунат намуда, дар фасли тобистон ба баландиҳои 6100 метр мебарояд, зеро бештар ҷойҳои салқин ва наздикии барфро дӯст медорад. Инчунин кишварҳои Афғонистон-Помири хурд ва долони Вахон, кӯҳҳои Тиёншон, Чин ва водиҳои фарохи байникӯҳӣ, нишебиҳои даштӣ, марғзорҳои алпӣ, ки дар баландии беш аз 3500 метр аз сатҳи баҳр ҷойгиранд, муҳити сукунати гӯсфанди Марко-Поло мебошанд. Кӯчиши мавсимии гӯсфанди Марко Поло вобаста ба фасли сол доир мешавад.
Марко Поло ном гирифтани гӯсфанди помирӣ ё архар /Pamir argali/ ба номи сайёҳ ва тоҷири венетсиягӣ Марко Поло (1254-1324) иртибот дорад. Бори нахуст ин гӯсфандро сайёҳи итолиёӣ Марко Поло сабт намудааст.
АКС: АМИТ «»Ховар»
Дар Агентии обуҳавошиносӣ риояи Чаҳорчӯбаи васеъшудаи шаффофият дар доираи Созишномаи Парижро баррасӣ карданд
Масъалаи таъсиси корхонаи коркарди пашм ва бунёди боғи пистаи туркӣ дар вилояти Хатлон баррасӣ гардид
Бахшида ба Рӯзи кормандони мақомоти бехатарии озуқаворӣ ҳамоиш баргузор шуд
Байни Ҳукумати Тоҷикистон ва ширкатҳои «Канзи Диёр», «ТВЕА Душанбе саноати кӯҳӣ» созишномаҳои сармоягузорӣ ба имзо расид
Бо иштироки муовини Сарвазири Тоҷикистон дар Рашт оид ба истифодаи ғайриқонунии неруи барқ ҷаласаи гурӯҳи корӣ баргузор шуд
Масъалаи таъсиси парки муштараки саноатии Тоҷикистону Эрон баррасӣ карда шуд
Сардори Хадамоти алоқаи Тоҷикистон дар ҷаласаи роҳбарони мақомоти алоқаи кишварҳои ИДМ иштирок намуд
Тоҷикистон ва Беларус ҳамкории зиддикоррупсиониро тақвият мебахшанд
Дастовардҳои Тоҷикистон дар соҳаи ҳифзи муҳити зист ва иқлим дар «Eco Expo Central Asia 2026» муаррифӣ гардид
Ҳайати Тоҷикистон дар иҷлосияи вазирони саноати давлатҳои аъзои СҲШ иштирок намуд
Ҳайати Тоҷикистон дар Форуми байналмилалии иқтисодии Санкт-Петербург иштирок намуд
РӮЗИ БАЙНАЛМИЛАЛИИ МУҲИТИ ЗИСТ. Табиат ба инсон зиндагӣ мебахшад ва онро бояд ҳифз намуд
