56 фоизи маҳсулоти соҳаи кишоварзии Тоҷикистон ба вилояти Хатлон рост меояд
ДУШАНБЕ, 20.10.2024 /АМИТ «Ховар»/. 56 фоизи маҳсулоти соҳаи кишоварзии мамлакат ба вилояти Хатлон рост меояд. Дар ин хусус 17 октябр зимни баргузории Форуми байналмилалии сармоягузорӣ-содиротии «Хатлон Инвест» иттилоъ дода шуд.
Тавре дар хадамоти матбуоти Раиси вилояти Хатлон ба АМИТ «Ховар» иттилоъ доданд, 62 фоизи ғаллаи дар ҷумҳурӣ истеҳсолшуда, 67 фисади пахта, 52 фоизи пилла, 60 фоизи сабзавот, 78 фисади зироати полезӣ, 60 фоизи гӯшт, 42 фоизи шир ва 43 фоизи маҳсулоти саноатӣ ба вилояти Хатлон рост меояд.
Масоҳати заминҳои обёришаванда дар вилоят 338 ҳазор гектарро ташкил медиҳад, ки он ба 45 фоизи тамоми заминҳои обии ҷумҳурӣ баробар аст. Танҳо соли 2023 дар вилоят зиёда аз 1,1 миллион тонна ғалла, 1,8 миллион тонна сабзавот, 227,3 ҳазор тонна картошка, 276,2 ҳазор тонна мева, 125,0 ҳазор тонна ангур ва 229 ҳазор тонна пахта ҷамъоварӣ карда шуд.
Иттилоъ дода шуд, ки ҳамасола аз вилоят ба дигар давлатҳо қариб 100 ҳазор тонна маҳсулоти кишоварзӣ содирот мешавад.
Соҳаи кишоварзӣ дар амалигардонии стратегияи рушди устувор, таъмини амнияти озуқаворӣ, шуғли аҳолӣ, коҳишёбии сатҳи камбизоатӣ ва дар маҷмуъ беҳсозии сатҳу сифати зиндагии сокинони мамлакат нақши калидӣ дорад.
АКС: АМИТ «Ховар»
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
Намояндаи Тоҷикистон дар ҷаласаи Раёсати Шурои соҳибкории СҲШ дар Бишкек иштирок намуд
Дар Форуми сармоягузории СҲШ имкониятҳои сармоягузории Тоҷикистон муаррифӣ гардид
Иқтидорҳои гидроэнергетикии Тоҷикистон дар муколамаи панелии Форуми OPEC дар Вена муаррифӣ шуд
Дар ноҳияи Зафарабод беш аз 6 ҳазор гектар ғалладонагӣ кишт карда шудааст
Дар ноҳияи Зафаробод агрегати нави пойгоҳи обкашӣ васлу насб карда шуд
