Ҳамлу нақли транзитии воситаҳои нақлиёти боркаш тавассути қаламрави Тоҷикистон ва Узбекистон бе рухсатнома амалӣ мегардад
ДУШАНБЕ, 04.10.2024 /АМИТ «Ховар»/. Маҷлиси намояндагони Маҷлиси Олии Ҷумҳурии Тоҷикистон Протокол оид ба ворид намудани тағйиру иловаҳо ба Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Узбекистон «Дар бораи алоқаи байналмилалии автомобилӣ» — ро, ки 9 марти соли 2018 дар Душанбе ба имзо расида буд, ба тасвиб расонид. Дар ин хусус АМИТ «Ховар» бо истинод ба Вазорати нақлиёти Ҷумҳурии Тоҷикистон иттилоъ медиҳад.
Вазири нақлиёти Тоҷикистон Азим Иброҳим зимни тавзеҳи ин масъала дар Маҷлиси намояндагон гуфт, ки тағйирот ба Созишномаи байниҳукуматӣ оид ба алоқаи байналмилалии автомобилӣ бо пешниҳоди ҷониби Тоҷикистон бо мақсади фароҳам овардани шароити мусоид барои гузариши транзитии воситаҳои нақлиёти автомобилии ҳарду давлат, инчунин татбиқи ҳадафҳои стратегӣ оид ба табдил додани Ҷумҳурии Тоҷикистон ба давлати транзитӣ ворид карда шудааст.
Ҳуҷҷат сода кардани гузариши транзитии мошинҳои боркашро тавассути қаламрави Тоҷикистон ва Узбекистон пешбинӣ менамояд. «Ҳар сол дар маҷмуъ 25 000-30 000 иҷозатнома барои ҳамлу нақли дуҷониба, транзит ва интиқоли бор аз/ба давлати сеюм, ки қисми зиёди он барои боркашонии транзитӣ тавассути қаламрави Ҷумҳурии Узбекистон истифода мешавад, табодул мегардад»,- афзуд вазир бо ишора ба натиҷаи таҳлилҳо, ки тибқи онҳо «ҳар сол воситаҳои нақлиёти автомобилии мамлакати мо зиёда аз 36 000 ҳамлу нақли байналмилалиро тавассути қаламрави Узбекистон анҷом медиҳанд».
Тибқи Пртоколи имзошуда, акнун ҳамлу нақли транзитии воситаҳои нақлиёти боркаш тавассути қаламрави ҳарду давлат бе рухсатнома амалӣ карда мешавад. Гап дар бораи ба истилоҳ варақаҳои «дозвол» меравад, ки ҳуҷҷати якдафъаина буда, ҳуқуқи истифодаи воситаи нақлиёти дар қаламрави як давлат ба қайд гирифтаро дар қаламрави давлати дигар барои ҳамлу нақли байналмилалӣ медиҳад.
Аз ҷиҳати оқибатҳои иқтисодию сиёсӣ тағйирот ба ин созишнома танҳо ба пайомадҳои хуб, алалхусус барои содагардонии расмиёти ҳамлу нақли байналмилалӣ, рушди тиҷорат, транзит ва зиёд гардидани гардиши молу маҳсулот мусоидат менамояд.
Қаблан, моҳи сентябри соли 2024 Протокол дар бораи ворид намудани тағйиру иловаҳо ба Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Узбекистон «Дар бораи алоқаи байналмилалии автомобилӣ» аз ҷониби Парлумони Узбекистон низ ба тасвиб расид.
АКС: Вазорати нақлиёти Ҷумҳурии Тоҷикистон
«ХАТЛОН — САРЗАМИНИ ТАМАДДУНҲО ВА САЁҲАТ». Дар ноҳияи Муъминобод Форум ва намоиши байналмилалии сайёҳӣ доир мегардад
Дар Душанбе ҷаласаи ҷашнии Шурои нозирони Созмони ҳамкории роҳҳои оҳан баргузор мешавад
Азнавбарқароркунии мусофирбарӣ тавассути роҳи оҳан дар хатсайри «Душанбе — Москва» баррасӣ карда шуд
Муовини Сарвазири Тоҷикистон дар ноҳияҳои Хатлон бо корҳои саҳроӣ шинос шуд
Дар Тоҷикистон ҷамъоварии пиёзи барвақтӣ оғоз гардид
Дар Зафаробод дар беш аз 14 ҳазор гектар пунбадона кишт карда мешавад
«Маркази рақамикунонии соҳаи нақлиёт» соҳиби мақоми резиденти IT-Park Dushanbe шуд
Дар Душанбе савдои фаромарзии бекоғаз ва экосистемаи рақамии тиҷорати электронӣ баррасӣ гардид
Ҷаласаи нахустини гурӯҳи кории Тоҷикистону Русия оид ба ҳамкорӣ дар соҳаи рақамикунонӣ ва технологияҳои иттилоотӣ баргузор гардид
Иқтисодчиён дар ҳалли масъалаҳои рушди иқтисодӣ ва иҷтимоии Тоҷикистон нақши барҷаста доранд
Дурнамои ҳамкории иқтисодии Тоҷикистон бо Хазинаи байналмилалии асъор баррасӣ гардид
Дар Вазорати рушди иқтисод ва савдо ба муносибати Рӯзи иқтисодчиён ҳамоиши тантанавӣ доир гардид
