Дар Афғонистон барои занон суҳбат бо ҳамдигар дар байни омма манъ карда шуд

ДУШАНБЕ, 28.10.2024 /АМИТ «Ховар»/. Дар Афғонистон ба занон суҳбат дар байни омма на танҳо бо мардон, балки бо занон низ манъ карда шуд, хабар медиҳад Kazinform бо истинод ба BILD.

Илова бар ин, тибқи изҳороти вазорати фазилат ва ҷилавгирӣ аз бадбахтиҳои Афғонистон, ба занони калонсол иҷозаи шунидани садои онҳо аз тарафи дигар занони болиғ манъ карда шудааст. Ҳамин тавр, занон бояд аз хондани Қуръон дар ҳузури занони дигар низ худдорӣ намоянд.

Тавре ки нашрияи BILD менависад, аз моҳи августи соли 2021 ба занон дар Афғонистон таҳсил, сафар кардан бе ҳамроҳии мард ва суҳбат дар назди мардум, бахусус бо мардон манъ гардида буд. Ба онҳо рафтан ба боғҳо, оббозӣ ва ба ягон намуди варзиш машғул шудан иҷозат дода намешавад. Толорҳои зебоӣ низ манъ карда шуданд. Паноҳгоҳҳои занон баста шуданд ва қонун дар бораи хушунат бар зидди занон бекор карда шуд. Занонро аксар вақт барои “рафторҳои ғайриисломӣ”, ки ба ин “айбнома” ҳама чиз метавонад дохил шавад, дар назди омма латукӯб ва маҳбус мекунанд.

Қаблан ба занон дар ҷойҳои ҷамъиятӣ бо овози баланд ҳарф задан манъ буд. Дар посух занони афғон ба сурудхонӣ шуруъ карданд — дар шабакаҳои иҷтимоӣ тамоюле пайдо шуд, ки онҳо ҳамчун нишонаи эътироз ва норизоият суруд мехонанд.

Ёдовар мешавем, ки Созмони Милали Муттаҳид талаб кардааст, ки тамоми маҳдудият аз занони Афғонистон бардошта шавад.

АКС аз манбаъҳои боз