Дар деҳаи Искодари ноҳияи Айнӣ сохтмони хонаҳо барои зарардидагони офати табиӣ ба анҷом мерасад
ДУШАНБЕ, 11.10.2024. /АМИТ «Ховар»/. Сохтмони хонаҳои барқароршаванда дар мавзеи нав барои зарардидагони офати табиӣ дар деҳаи Искодари Ҷамоати деҳоти Дар-дари ноҳияи Айнӣ бо суръат идома дошта, дар назар аст, ки то 15 октябр ба анҷом расад. 16 октябр ба сокинон калиди хонаҳои навбунёд супорида мешавад.
Тавре сардори Сарраёсати ҳифзи аҳолӣ ва ҳудуди Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба хабарнигори АМИТ «Ховар» хабар дод, сохтмони 7 хонаи пурра зарардида ва 8 хонаи қисман зарардида идома дорад. Дар 11 хона бому болопӯш ва дар 3 хона бардоштани девор пурра анҷом ёфта, рангубори 1 хона идома дорад.
Дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар деҳаи Искодар аз ҷониби Мақомоти иҷроияи ҳокимияти давлатии ноҳияи Айнӣ 15 хонаи 4- ҳуҷрагӣ аз рӯи лоиҳаи пешниҳоднамудаи Кумитаи меъморӣ ва сохтмони назди Ҳукумати Ҷумҳурии Тоҷикистон сохта шудааст.
Ҳамчунин Муассисаи таҳсилоти миёнаи умумии зарардидаи №12 пурра барқарор шуда, аз 1 сентябри соли 2024 ба фаъолият шуруъ намудааст.
Ёдовар мешавем, ки 13 июли соли равон бар асари фаромадани сел дар деҳаи Искодар чандин хонаи истиқоматӣ пурра ва қисман хароб гардида, Муассисаи таҳсилоти миёнаи умумии №12 ва боғоту заминҳои кишоварзӣ зарари ҷиддӣ диданд.
Бо дастури махсуси Пешвои миллат муҳтарам Эмомалӣ Раҳмон барои мардуми деҳаи Искодар, ки бар асари офати табиӣ сахт зарар диданд, дар мавзеи дашти Искодар 2,8 гектар замин барои бунёди 15 хонаи истиқоматӣ ҷудо гардид.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
Дар назди Коллеҷи муҳандисӣ-техникии ноҳияи Нуробод бинои нави таълимӣ ва хобгоҳ сохта мешавад
Дар Суғд масъалаи риояи талаботи санитарию эпидемиологӣ дар муассисаҳои хизматрасонӣ баррасӣ гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Тоҷикобод хати нави оби нӯшокӣ ва иншооти иҷтимоӣ мавриди истифода қарор гирифтанд
