Дар филиали Донишкадаи ҷумҳуриявии такмили ихтисос ва бозомӯзии кормандони соҳаи маорифи Бадахшон ҳамоиши илмӣ баргузор шуд
ХОРУҒ, 05.10.2024 /АМИТ «Ховар»/. Кормандони филиали Донишкадаи ҷумҳуриявии такмили ихтисос ва бозомӯзии кормандони соҳаи маорифи Вилояти Мухтори Кӯҳистони Бадахшон ҳамоиши илмии навбатиро ба Рӯзи забони давлатӣ ва иди касбии омӯзгорон бахшиданд, иттилоъ медиҳад хабарнигори минтақавии АМИТ «Ховар» Файз Мирасан.
Директори ин муассисаи илмию таълимӣ Раҳимдод Азизбеков ҳарду рӯйдоди таърихиро, ки зодаи истиқлол ҳастанд, бо ҳам тавъам ва алоқаманд хонда, изҳор дошт, ки «агар забон ҳастии миллат бошад, пас омӯзгор дар ҳар давру замон нигаҳбони ҳамин ҳастӣ мебошад. Зеро маҳз омӯзгор ба инсон ҳарфи аввал, талафузи дурусти калимаву ибораҳо, сухан ёфтану сухан суфтану сухан гуфтанро ёд медиҳад. Пайи ҳам ҷашн гирифтани рӯзи забону омӯзгор дар худ рамзи ниҳоне дорад. Забон фақат василаи муошират нест, балки василаи васли наслҳо, нигоҳдорандаи расму суннат ва урфу одатҳои мухталифи миллатамон ба шумор меравад».
Гуфта шуд, ки ҳамаи онҳое, ки ба таълиму тадриси насли наврас машғул ҳастанд, бояд, пеш аз ҳама, ба забондонию забоншиносии насли наврас аҳамияти ҷиддӣ диҳанд. Нагузорем, ки шогирдони мо забони ноби тоҷикиро бо калимаву ибораҳои сохтаву бофта ва алфози дурушту гӯшхарош олуда созанд. Зеро ин неъмати бебаҳо мерос аз гузаштагони оламшумули мо аст. Беэҳтиромӣ нисбат ба забон беэҳтиромӣ ба фарҳангу тамаддуни пурғановати миллати мо ба шумор меравад.
Пас аз анҷоми ҳамоиш ба як гурӯҳ кормандони соҳаи маориф барои тарғибу ташвиқи забони давлатӣ дар корхонаву муассисаҳои давлатию ҷамъиятӣ ва саҳифаҳои иҷтимоӣ Ифтихорнома ва туҳфаҳои хотиравӣ супорида шуданд.
АКС: АМИТ «Ховар»
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
